ايماقتار • 04 جەلتوقسان، 2020

جەمقورلىققا قارسى رەفورمالاردىڭ ءۇشىنشى پاكەتى ءوز تيىمدىلىگىن كورسەتۋدە

22 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ باتىس قازاقستان وبلىسىنا جۇمىس ساپارى جالعاسىپ جاتىر، دەپ حابارلايدى Egemen.kz

4 جەلتوقساندا اليك شپەكباەۆ مەملەكەتتىك ورگاندار، قارجى ينستيتۋتتارى، تابيعي مونوپوليالار سۋبەكتىلەرى، "ازاماتتارعا ارنالعان ۇكىمەت" مەملەكەتتىك كورپوراتسياسى وكىلدەرىنىڭ قاتىسۋىمەن ء"بىر تەرەزە" قاعيداتى بويىنشا بيزنەسكە قاجەتتى بارلىق قىزمەتتەردى كورسەتۋ ۇدەرىسى ورتالىقتاندىرىلعان "بيزنەسكە ارنالعان ۇكىمەت" فرونت-كەڭسەسىنىڭ مۇمكىندىكتەرىمەن تانىستى.

"بيزنەستى قورعاۋ جانە قولداۋ – اگەنتتىكتىڭ باستى باسىمدىقتارىنىڭ ءبىرى. تەك بيىلعى جىلدىڭ 10 ايىندا ءبىز 300-گە جۋىق كاسىپكەردىڭ قۇقىقتارىن قورعاپ، مەملەكەتتىك ورگانداردىڭ كاسىپكەرلىك قىزمەتكە زاڭسىز ارالاسۋىنىڭ 160 فاكتىسىنىڭ جولىن كەستىك"، دەپ اتاپ ءوتتى شپەكباەۆ.

ودان ءارى انتيكور توراعاسى Protecting business and investments جوباسى اياسىندا جەمقورلىققا قارسى سۇيەمەلدەنەتىن "كۋبلەي" جانە "كۆانت" وبلىستىق كاسىپورىندارىنىڭ وندىرىستىك ۇدەرىسىمەن جانە ونىمدەرىمەن تانىستى. ايتا كەتۋ كەرەك، ەكى جىل ىشىندە وڭىردە جالپى قۇنى 853 ملرد تەڭگەنى قۇرايتىن جوبالاردى جەمقورلىققا قارسى سۇيەمەلدەۋ تۋرالى 22 كەلىسىمگە قول قويىلدى.

1

"ەلباسى اتاپ وتكەندەي، ەكونوميكانىڭ 60-70% شەتەلدەردەگىدەي جەكە قولدا بولۋى ءتيىس. بۇعان قول جەتكىزۋ ءۇشىن ءبىز جۇمىس ىستەپ تۇرعان بيزنەستى قورعاپ قانا قويماي، بولاشاق كاسىپكەرلەرگە جايلى، تۇراقتى جانە سىبايلاس جەمقورلىقتان تازا كاسىپكەرلىكتىڭ بارلىق جاعدايلارى بار ەكەنىن جانە جىل سايىن تەك جاقسارا تۇسەتىنىن كورسەتۋىمىز كەرەك"، دەپ مالىمدەدى ينۆەستورلارمەن كەزدەسۋدە ا.شپەكباەۆ.

اگەنتتىك باسشىسى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىندە، سەرۆيس جانە جاڭا تەحنولوگيالار كوللەدجىندە بولىپ، سونداي-اق گەوپورتالدى دامىتۋعا، ءموبيلدى قوسىمشالار ارقىلى مەملەكەتتىك قىزمەتتەردى تسيفرلاندىرۋعا جانە وبلىس اكىمدىگىنە سەرۆيستىك ۇلگىنى ەنگىزۋگە بەلسەندى قاتىساتىن "اقجايىق-ادالدىق الاڭى" جوبالىق كەڭسەسىنىڭ قىزمەتىمەن تانىستى.

اتا-انالارى باس تارتقان ەرەكشە قاجەتتىلىكتەرى بار بالالار دا نازاردان تىس قالمادى. ا.شپەكباەۆ پەن قوعام وكىلدەرى كوشىم ارناۋلى الەۋمەتتىك قىزمەت كورسەتۋ ورتالىعىنا بارىپ، ولار ءومىر ءسۇرۋ جاعدايىمەن تانىستى.

باتىس قازاقستان وبلىسىنا ەكى كۇندىك جۇمىس ساپارى ازاماتتىق سەكتور وكىلدەرىمەن، وبلىس اكتيۆىمەن، بيزنەس-قوعامداستىقپەن جانە جۋرناليستەرمەن كەزدەسۋمەن قورىتىندىلاندى. ونىڭ بارىسىندا ا.شپەكباەۆ سىبايلاس جەمقورلىققا قارسى زاڭنامانىڭ وزەكتى نوۆەللالارى مەن اگەنتتىكتىڭ ءبىر جىلداعى جۇمىسى تۋرالى ەگجەي-تەگجەيلى ايتىپ بەردى.

1

كەزدەسۋ بارىسىندا سپيكەر: "قازىرگى ۋاقىتتا پرەزيدەنتتىڭ سىبايلاس جەمقورلىققا قارسى رەفورمالارىنىڭ ءۇشىنشى پاكەتىن ءماجىلىس ماقۇلداپ، سەناتقا بەردى. بۇل جەمقورلارعا ايتارلىقتاي اسەر ەتەتىن ەڭ مىقتى تۇزەتۋلەر. اتاپ ايتقاندا، شەنەۋنىكتەر ءۇشىن شەتەلدىك بانكتەردەگى شوتتارعا تىيىم سالىنادى، اۋىر جانە اسا اۋىر سىبايلاس جەمقورلىق قىلمىستارى بويىنشا شارتتى تۇردە مەرزىمىنەن بۇرىن بوساتۋ جويىلادى. ال قۇقىق قورعاۋ ورگاندارىنىڭ قىزمەتكەرلەرى مەن سۋديالار بۇدان بىلاي لاۋازىمدى تۇلعالاردىڭ باسقا ساناتتارىنا قاتىستى سىبايلاس جەمقورلىق قىلمىسى ءۇشىن كوبىرەك جازا الاتىن بولادى"، دەپ مالىمدەدى.

ازاماتتىق قوعام وكىلدەرىنىڭ نەگىزگى ماسەلەلەرى تۇرعىن ءۇي الۋ، حالىققا الەۋمەتتىك جاردەماقى بەرۋ، جۇمىسقا ورنالاستىرۋ جانە كاسىپكەرلىككە قاتىستى بولدى.

اليك شپەكباەۆ اۋداننىڭ ءار تۇرعىنىن تىڭداپ، ازاماتتاردىڭ تۇيتكىلدى ماسەلەلەرىن شەشۋ بويىنشا ءتيىستى جاۋاپتار مەن تاپسىرمالار بەردى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار