رۋحانيات • 04 جەلتوقسان، 2020

الماتىدا "عاسىرلار تولعاۋى" اتتى ونلاين كورمە بولدى

19 رەت كورسەتىلدى

الماتىدا ۇلتتىق كىتاپحانادا "رۋحاني جاڭعىرۋ" اياسىندا اباي قۇنانباي ۇلىنىڭ 175 جىلدىعى جانە ءال-فارابي بابامىزدىڭ 1150 جىلدىعىنا وراي رەسپۋبليكامىزدىڭ بارلىق ايماقتارىندا كوركەم ەڭبەك پانىنەن ساباق بەرەتىنشىعارماشىلىقپەن اينالىساتىن دارىندى ۇستازداردىڭ "عاسىرلار تولعاۋى" اتتى ونلاين كورمەسى بولىپ ءوتتى، دەپ حابارلايدى Egemen.kz 

كورمەنى قورىتىندىلاي كەلە، شىعارماشىلىقپەن اينالىساتىن 110 ۇستازدىڭ  ۇزدىك تۋىندىلارى جيناقتالعان "بابالار اماناتى" اتتى كىتاپ جارىققا شىقتى.

كورمەنى وتكىزۋ مەن كىتاپتى شىعارۋداعى ماقسات – رەسپۋبليكامىزدىڭ تۇپكىر-تۇپكىرىندە كوركەم ەڭبەك پانىنەن ساباق بەرىپ جۇرگەن دارىندى 110 ۇستازدىڭ باسىن قوسىپ، ۇلتتىق ونەرىمىزبەن، باسقا دا ونەر جانرىمەن اينالىسىپ جۇرگەن شىعارماشىل ۇستازداردىڭ ەڭبەكتەرىن دارىپتەپ، ۇرپاقتان-ۇرپاققا بەرىپ كەلە جاتقان ءتول ونەرىمىزدىڭ قۇندىلىقتارىن عاسىرلار قويناۋىنداعى ساندىك قولدانبالى ونەر جانرلارىمەن باسقا دا ونەر تۇرلەرىن بايىتا وتىرىپ ۇرپاققا سانالى تاربيە بەرۋ.

كوركەم ەڭبەك ءپانىنىڭ ماڭىزدىلىعى، قول-ونەر، زەرگەرلىك، ساندىك قولدانبالى ونەر تۇرلەرى بالا تاربيەسىنە، سونىمەن قاتار بابالارىمىزدىڭ ۇل مەن قىزدى قالاي تاربيەلەۋدە وسى ۇلتتىق ونەرىمىزدىڭ نەگىزگى اتقاراتىن ءرولى وتە ماڭىزدى بولعان. سوندىقتان قاي وڭىردە ۇستازدىق قىلىپ جۇرسە دە وسى كيەلى ونەرىمىزدى ءبىر ادامداي بالا تاربيەسىنە جۇمىلدىرا بىلسەك، بولاشاق ۇرپاقتىڭ رۋحاني تاربيەسى مەن ءبىلىمى عاسىردان عاسىرعا جالعاسا بەرەدى دەگەن ۇمىتتەمىز. كىتاپقا ەنگەن ۇستازداردىڭ ىشىندە جاس ماماندارمەن ورتا بۋىن ۇستازدار جانە زەينەتكە شىقسا دا قول ونەرىمىزدى بالا تاربيەسىنە ارناعان اعا، اپكەلەرىمىزبەن قارت ۇستازدارىمىزدىڭ دا تۋىندىلارى ەنىپ وتىر. نەشە جىل ەڭبەك ەتكەن سونداي ۇلاعاتتى ۇستازدارىمىزدىڭ ەرەن ەڭبەكتەرى بولاشاق ۇرپاققا ۇلگى بولىپ قالىپ جاتسا، ەلىمىزدىڭ تاۋەلسىزدىگى مەن كوك تۋىمىز ماڭگى جەلبىرەپ،  بابالار اماناتى عاسىردان عاسىرعا، سانالى، ساليقالى، تاربيەلى ۇرپاعىمىزدىڭ بولاشاعىنان ەش الاڭدامايمىز دەگىمىز كەلەدى. شارانى قازاقستان سۋرەتشىلەر وداعىنىڭ مۇشەسى، №148 مەكتەپ-گيمنازيا كوركەم ەڭبەك ءپانى مۇعالىمى  كودەكوۆ قاناعات جۇرگىزدى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

ۇقساس جاڭالىقتار