بيىل كوروناۆيرۋس پاندەمياسىنا بايلانىستى سالتاناتتى ءراسىم ەرەكشە فورماتتا وتۋدە. العاش رەت كورەرمەندەر بولمادى.
بۇل شەكتەۋلەر رەسەيلىك مۋزىكا يندۋسترياسىنداعى باق-قا دا اسەر ەتتى. ءىس-شاراعا بارلىعى 30 جۋرناليست جىبەرىلدى. ولاردىڭ ارقايسىسى, ءار ەلدەن كەلگەن قاتىسۋشىلار سەكىلدى مەملەكەتتىك كرەمل سارايىنا بارۋ ءۇشىن COVID-19 تەستىن تاپسىردى.
شارا باستالماس بۇرىن جۋرناليستەر قىزىل كىلەمگە جارقىراپ شىققان جۇلدىزدى قوناقتاردى قاۋمالاپ الدى. كوڭىلدەرى كوتەرىڭكى, ەرەكگە اتموسفەرانى سەزىنگەن انشىلەردىڭ بارلىعى ساحنا مەن وزدەرىنىڭ سۇيىكتى كورەرمەنىن ساعىناتىندارىن ايتتى.
قىزىل كىلەمگە فيليپپ كيركوروۆ, سەرگەي لازارەۆ, ولەگ گازمانوۆ, ارتۋر پيروجكوۆ جانە باسقا دا تانىمال انشىلەر شىقتى.
ولاردىڭ قاتارىندا ديماش قۇدايبەرگەن دە بار. ونى «ۆيكتوري-2020» سىيلىعىنىڭ “ۇزدىك پوپ-ورىنداۋشىسى» نومينانتى.
ء«بىز ديماشتىڭ وسىنداي بەلدى سىيلىققا ۇسىنىلعانىنا وتە قۋانىشتىمىز جانە ول اتاقتى ارتىستەرمەن قاتار شاراعا قاتىسادى. ءىس-شارا كورەرمەنسىز, تەك تەلەايزيالىق فورماتتا وتەتىنى وكىنىشتى», – دەدى ءانشىنىڭ پروديۋسەرى جانە اكەسى قانات ايتباەۆ.
قىزىل كىلەمدە ۆيكتوريا سىيلىعىن ۇيىمداستىرۋشىلاردىڭ ءبىرى يگور كرۋتوي سالتاناتتى راسىمدە شەكتەۋلەرگە قاراماستان ءوزىنىڭ وپتيميستتىك ۇستانىمىن كورسەتتى.
ء«بىز پرەميانى مۇنداي فورماتتا العاش رەت ۇيىمداستارىپ وتىرمىز. بىراق اسەر كەرەمەت, كوڭىل – كۇي كوتەرىڭكى», – دەدى كومپوزيتور.
شارا كەزىندە ديماش كومپوزيتور يگور كرۋتويدىڭ ءانى, ءماتىنىن الەمگە ايگىلى ءانشى لارا فابيان جازعان Your Love ءانىن ورىندادى.
“ۆيكتوريا-2020” پرەمياسىنىڭ تولىق نۇسقاسىن 18 جەلتوقسان كۇنى “روسسيا-1” ارناسىنان كورۋگە بولادى.
