قازاقستان • 04 جەلتوقسان، 2020

74 مىڭعا جۋىق قازاقستاندىق Coursera پلاتفورماسىندا وقۋعا ءوتىنىم بەردى

9 رەت كورسەتىلدى

قازىردىڭ وزىندە 74 مىڭعا جۋىق ادام Coursera جاپپاي ونلاين-ءبىلىم بەرۋدىڭ جەتەكشى الاڭىندا تەگىن ونلاين وقۋدان وتۋگە ءوتىنىم بەردى. قازاقستاندىقتار اعىلشىن ءتىلى مەن بيزنەس-اعىلشىن ءتىلىن، Python باعدارلامالاۋ نەگىزدەرىن جانە SMM نەگىزدەرىن ۇيرەنۋگە ۇلكەن قىزىعۋشىلىق تانىتتى.

الەمدەگى ەڭ تانىمال Coursera ونلاين-وقىتۋ پلاتفورماسى قر ەڭبەك جانە حالىقتى الەۋمەتتىك قورعاۋ مينيسترلىگىمەن (بۇدان ءارى – ەڭبەكمينى) جانە «ەڭبەك رەسۋرستارىن دامىتۋ ورتالىعى» اق-مەن بىرلەسىپ قازاقستاندىقتار ءۇشىن تەگىن ونلاين-ءبىلىم بەرۋدىڭ اۋقىمدى جوباسىن ىسكە اسىرۋدا. جوبا 31 قازانعا دەيىن ەسەپتەلگەن، الايدا ۇيىمداستىرۋشىلار اراسىندا كۋرستارعا تىركەلۋ مەرزىمىن 2020 جىلعى 14 جەلتوقسانعا دەيىن جانە وقۋ مەرزىمىن 2021 جىلعى 15 اقپانعا دەيىن وتەۋسىز نەگىزدە ۇزارتۋ تۋرالى ۋاعدالاستىققا قول جەتكىزىلدى.

بۇگىنگى تاڭدا قازاقستاندىقتاردان 74 مىڭ ءوتىنىم كەلىپ ءتۇستى، 38 مىڭ ادام وقۋدان وتە باستادى. بۇل رەتتە جوبانىڭ تىركەلگەن 36 مىڭعا جۋىق قاتىسۋشىسى كۋرستاردان وتۋگە كىرىسپەدى.

ەڭبەكمينى ءوتىنىم بەرگەن قازاقستاندىقتاردى Coursera الاڭىندا وقۋعا كىرىسۋگە شاقىرادى، سەبەبى بولىنگەن ورىندار سانى شەكتەۋلى. قازىرگى ۋاقىتتا 12 مىڭ تەگىن ليتسەنزيا قولجەتىمدى، ولاردى تىركەلگەن، بىراق وقۋدى باستاماعان ازاماتتار دا، 14 جەلتوقسانعا دەيىن ءوتىنىم بەرىپ، ۇناعان كۋرستاردى تاڭداپ ۇلگەرگەن كەز كەلگەن قازاقستاندىق تا پايدالانا الادى.

بۇگىنگى تاڭدا تىركەلگەن قازاقستاندىقتار ءتۇرلى باعىتتار بويىنشا 131 مىڭنان استام كۋرستى تاڭداپ، 230 مىڭ ساباقتى ءوتتى.

بيزنەس سالاسى، IT جانە كومپيۋتەرلىك عىلىمدار، تىلدەردى ۇيرەنۋ، جەكە دامۋ جانە دەنساۋلىق وقىتۋدىڭ ەڭ سۇرانىسقا يە باعىتتارى بولىپ تابىلادى.

«اعىلشىن ءتىلىن جانە بيزنەس-اعىلشىن ءتىلىن ۇيرەنۋ»، «Python-داعى باعدارلامالاۋ نەگىزدەرى» جانە «SMM نەگىزدەرى» كۋرستارىنان باسقا، تاڭدالعان توپ-10 كۋرستىڭ قاتارىنا «جوبالارمەن جۇمىس جاساۋداعى Agile جانە Scrum»، «ومىرلىك ءىستى تابۋ نەگىزدەرى»، ء«وز اقشاڭا بيزنەس اشۋ»، «راسترلىق گرافيكا. Adobe Photoshop CC»، «وتىرىك تەورياسى. پروفيلدەۋ»، «فوتوسۋرەت نەگىزدەرى» جانە «HTML جانە CSS نەگىزدەرى» كىردى.

وقۋدى اياقتاعان قازاقستاندىقتار Coursera ونلاين-وقىتۋ پلاتفورماسىندا وتكەن كۋرستاردىڭ قورىتىندىسى بويىنشا ءوز پىكىرلەرىن قالدىرادى.

مىسالى، يرۆاينداعى كاليفورنيا ۋنيۆەرسيتەتىنىڭ «Initiating and Planning Projects (جوبالارعا باستاماشىلىق ەتۋ جانە ولاردى جوسپارلاۋ)» كۋرسىن وتكەن ۇلجان قولايلى دا تۇسىنىكتى فورماتتا جاڭا ءبىلىم مەڭگەرۋ مۇكىندىگى ءۇشىن ريزاشىلىعىن ءبىلدىردى.

«جوبانى باسقارۋدان حابارىم ونشا جوق ادام رەتىندە مەن كۋرس قولجەتىمدى اقپاراتتان تۇرادى دەپ ايتا الامىن. ينتەرنەتتەگى وقىتۋ سونشالىقتى قىزىقتى بولۋى مۇمكىن دەپ ەشقاشان ويلاماس ەدىم. ماعان بۇل كۋرستان ءوتۋ ۇنادى، مەن ونى باسقالارعا ۇسىنامىن»، – دەيدى ول.

تورونتو ۋنيۆەرسيتەتىنىڭ «Introduction to Psychology (پسيحولوگياعا كىرىسپە)» كۋرسىنان وتكەن جازيرا:  «بۇل كۋرس – مەن وتكەن ەڭ جاقسى ونلاين كۋرستاردىڭ ءبىرى. ءار اپتا مەن ءوزىم ءۇشىن جاڭا ءبىر نارسە تاپتىم، ادامدار نەگە بەلگىلى ءبىر جولمەن ارەكەت ەتەتىنىن تۇسىنە باستادىم جانە كوپتەگەن سۇراقتارىنا جاۋاپ تاپتىم. راحمەت!»، – دەپ ءوز تاجىريبەسىمەن ءبولىستى.

«مەنىڭ بۇل كۋرسقا جازىلعان سەبەبىم: ءوز ءومىرىمدى پسيحولوگيامەن بايلانىستىرىپ، مۇقتاج ادامدارعا كومەكتەسكىم كەلەدى. كۋرس ماعان وسى باعىت تۋرالى بىلۋگە جانە ماڭىزدى ويلاردى تۇسىنۋگە كومەكتەستى. ادامداردى ءوز باعىتتارىندا وقىتقانىڭىز ءۇشىن راحمەت!» – دەيدى دجونس حوپكينس ۋنيۆەرسيتەتىنىڭ «Psychological First Aid (العاشقى پسيحولوگيالىق كومەك)» كۋرسىنان وتكەن ايحانىم.

ەستەرىڭىزگە سالا كەتەيىك، Coursera ءبىلىم بەرۋ پلاتفورماسى الەمنىڭ جەتەكشى كومپانيالارى مەن ۋنيۆەرسيتەتتەرىنەن (GOOGLE، IBM، Facebook، Stanford University، Yale University، Johns Hopkins University، Princeton University جانە ت.ب.) 4 مىڭنان استام تەگىن كۋرستاردان وتۋگە بىرەگەي مۇمكىندىك بەرەدى. اتالعان كۋرستاردا ءتۇرلى داعدىلاردى، سونىڭ ىشىندە ماتەماتيكالىق، كوممۋنيكاتيۆتىك، كاسىپكەرلىك، باعدارلامالاۋ، ستاتيستيكالىق تالداۋ، دەرەكتەردى باسقارۋ جانە كوشباسشىلىق داعدىلارىن مەڭگەرۋگە بولادى.

كۋرستاردى ءساتتى اياقتاعاننان كەيىن ءبىلىم الۋشىلار سەرتيفيكات الادى.

اعىمداعى جىلعى 14 جەلتوقسانعا دەيىن https://www.enbek.kz/ru/free-coursera ەلەكتروندىق ەڭبەك بيرجاسى ارقىلى ءوتىنىم بەرگەندەر جانە www.coursera.org پلاتفورماسىندا تىركەلگەنىن راستاعاندار ءۇشىن Coursera الاڭىندا تەگىن وقىتۋ كۋرستارى 2021 جىلعى 15 اقپانعا دەيىن قولجەتىمدى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار