ايماقتار • 03 جەلتوقسان، 2020

ومىرزاق شوكەەۆ مال ۇرلىعىن بولدىرماۋدى مىندەتتەدى

85 رەت كورسەتىلدى

بوتەننىڭ مۇلكىن ۇرلاۋ قىلمىستارىنىڭ اشىلىمى بويىنشا رەسپۋبليكادا تۇركىستان وبلىسى الدىڭعى شەپتە. اتاپ ايتساق، اۋىر دارەجەلى مال ۇرلىعى قىلمىستارىنىڭ اشىلىمى 76،9%-عا جاقسارعان، دەپ حابارلايدى Egemen.kz.

تۇركىستان وبلىسى اكىمدىگى جانىنداعى قۇقىق بۇزۋشىلىق پروفيلاكتيكاسى جونىندەگى ۆەدومستۆوارالىق كوميسسياسى ماجىلىسىندە وبلىس اكىمى ومىرزاق شوكەەۆ مال ۇرلىعىنا توسقاۋىل قويۋدا اۋدان، اۋىل اكىمدەرى مەن پوليتسيانىڭ بىرىگۋىن تاپسىردى. «اۋدان دەگەن الاقانداي جەردە قالاي مال ۇرلانعانىن ەشكىم بىلمەيدى؟ ءبارى ءبىر-ءبىرىن بىلەدى. كىم بەيىم ەكەنىن بىلەدى. كىمنىڭ مالى ۇرلاناتىنىن بىلەدى. وندايعا شارا قولدانۋ، توقتاتۋ كەرەك. بارلىق اۋدان، اۋىل اكىمدەرى مەن پوليتسيا بىرىگىپ، تەز ارادا قولعا الىڭىزدار. جالپى مال ۇرلىعىن بولدىرماۋ كەرەك»،  دەدى وبلىس اكىمى.

وبلىستىق پوليتسيا دەپارتامەنتى باسشىلىعىنىڭ مالىمدەۋىنشە، قىلمىستىق كودەكسكە ەنگىزىلگەن وزگەرىستەر بوتەننىڭ مۇلكىن ۇرلاۋ قىلمىستارىنىڭ ەكە ەسە ازايۋىنا ىقپال ەتكەن. كوميسسيا ماجىلىسىندە مال ۇرلىعىنىڭ جاسالۋ تىزبەگى بويىنشا جۇمىستى كۇشەيتىپ، مال بازارلارىنداعى تالاپتى قاتايتۋ جۇكتەلدى. ساراپتاماعا سايكەس، مال ۇرلىعىنىڭ 61،7%-ى جايىلىم جەرلەردەن ورىن العان. وسىعان وراي وڭىردە «مال يەسى-جەرگىلىكتى اتقارۋشى ورگان-باقتاشى» ۇشجاقتى كەلىسىمشارت جاساۋ جۇزەگە اسىرىلۋدا. سونىمەن قاتار، وتىرىستا وبلىس اۋماعىندا جالپى قاراۋسىز جانە تابىلعان مالداردى ۇستاۋعا ارنالعان ورىنداردىڭ جەتكىلىكسىزدىگى جايلى ماسەلە قوزعالدى.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار