قازاقستان • 03 جەلتوقسان، 2020

ۇلتتىق بانك الاياقتىق سيپاتتا جازىلعان حاتتار تۋرالى ەسكەرتەدى

5 رەت كورسەتىلدى

قازاقستان ۇلتتىق بانكى قاراجات جىبەرۋ تۋرالى ءوتىنىشى بار ەلەكتروندىق حاتتار مەن ءانونيمدى تەلەفون قوڭىراۋلارىن ەلەمەۋگە شاقىرادى. بەلگىسىز بانكتىك شوتتاردىڭ دەرەكتەمەلەرى قامتىلعان، كەزدەيسوق اقشا الۋ مۇمكىندىكتەرى تۋرالى حابارلامالار كوپ جاعدايدا ولاردىڭ الاياقتىق ارەكەت ەكەندىگىن كورسەتەدى.

شىن مانىندە مۇنداي حاتتار ۇلتتىق بانكتەن جەكە تۇلعالارعا تاراتىلمايدى. ورتالىق بانكتەر جەكە تۇلعالاردىڭ شوتىنا قىزمەت كورسەتپەيدى، اقشالاي ەسەپ ايىرىسۋلار مەن مامىلەلەر جۇرگىزبەيدى: ۇلتتىق بانكتەگى بانكتىك شوتتار تەك قۇب، ەكىنشى دەڭگەيدەگى بانكتەر مەن سانى شەكتەۋلى زاڭدى تۇلعالاردىڭ وپەراتسياسىن ەسەپكە الۋ ءۇشىن عانا اشىلۋى مۇمكىن. وسىعان وراي قازاقستان ۇلتتىق بانكىنىڭ جەكە تۇلعالاردىڭ قۇندى زاتتارى مەن بانكنوت، مونەتالارىنا قاتىستى ينكاسساتسيالىق (سونىڭ ىشىندە جەتكىزۋ، تاسىمالداۋ) قىزمەتتى اتقارمايتىنىن ەسكەرتەمىز.
قازاقستان ۇلتتىق بانكىنەن قاراجات جىبەرۋ تۋرالى ءوتىنىشى بار كۇدىكتى حاتتاردى العان جاعدايدا قۇقىق قورعاۋ ورگاندارىنا حابارلاسۋ قاجەت.

كەڭەس الۋ ءۇشىن 1477 قىسقا ءنومىرى بويىنشا ۇلتتىق بانكتىڭ بايلانىس ورتالىعىنا دا حابارلاسۋعا بولادى (ۇيالى جانە قالالىق تەلەفوننان قوڭىراۋ شالۋ – تەگىن).

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار