سىيىمدىلىعى 200 ادامعا دەيىنگى EXPO مۇز ايدىنى ەلوردانىڭ ەڭ جارقىن جانە ەڭ كوپ باراتىن كورىكتى جەرى – NUR ALEM بولاشاق ەنەرگياسى مۇراجايىنىڭ تۇبىندە ورنالاسقان. مۇزايدىننىڭ اۋدانى 1300 شارشى مەتردى قۇرايدى.
كونكيمەن سىرعاناۋ بارلىعىنا تەگىن, EXPO مۇزايدىنىنىڭ جۇمىس ۋاقىتى كۇن سايىن 12:00-دەن 22:00-گە دەيىن.
كەلۋشىلەر ءۇشىن كيىم اۋىستىراتىن جىلى بولمە قاراستىرىلعان. سونداي-اق مۇزايدىننىڭ جانىنداعى كافەگە بارىپ دەمالۋىڭىزعا بولادى. وندا ءسىز ىستىق شاي نەمەسە شوكولاد ءىشىپ جىلىنىپ, تاماقتانا الاسىز. كەلۋشىلەرگە ىڭعايلى بولۋ ءۇشىن 3 مىڭ اۆتوكولىككە ارنالعان تاۋلىك بويى جۇمىس ىستەيتىن جەراستى تۇراعى بار.
مۇزايدىنىنا ءوز كونكيىڭىزبەن كەلۋگە نەمەسە سول جەردە جالعا الۋعا بولادى. 2 ساعاتتىق سەانس 500 تەڭگە تۇرادى.
ال, ەڭ باستىسى, بيىل ەپيدەميولوگيالىق جاعدايعا بايلانىستى مۇزايدىنىنا كەلۋ ەرەجەلەرى وزگەردى. كەلۋشىلەر ماسكا رەجيمىن جانە الەۋمەتتىك اراقاشىقتىقتى ساقتاۋ قاجەت. قوناقتارعا بەرىلەتىن كونكيلەر مەن بارلىق سپورت جابدىقتارى قولدانىلعاننان كەيىن كەپتىرىلىپ, انتيسەپتيكپەن سۇرتىلەدى.
