قازاقستان • 03 جەلتوقسان، 2020

قازاقستاننىڭ جاڭا كاسىپتەر اتلاسى 9 نەگىزگى سالانى قامتىدى

5 رەت كورسەتىلدى

قازاقستاندا ازىرلەنگەن ەڭبەك نارىعىندا تالاپ ەتىلەتىن جاڭا كاسىپتەر مەن قۇزىرەتتەردىڭ اتلاسى ەكونوميكانىڭ 9 نەگىزگى سالاسىن قامتيدى جانە جاڭا، ترانسفورماتسيالاناتىن، سونداي-اق جويىلىپ بارا جاتقان كاسىپتەر مەن قۇزىرەتتەردى بىرىكتىردى. بۇل ازاماتتارعا كەلەشەكتە كاسىپتىڭ پەرسپەكتيۆالى بولۋىن ەسكەرە وتىرىپ، ماماندىقتى دۇرىس تاڭداۋعا، ءبىلىم بەرۋ ۇيىمدارىنا قازاقستاندىقتاردى جاڭا داعدىلار مەن قۇزىرەتتىلىكتەرگە وقىتۋ قاجەتتىلىگىن ەسكەرە وتىرىپ، وقۋ جوسپارلارىن وزەكتەندىرۋگە كومەكتەسەتىن كاسىبي باعدار بەرۋدىڭ زاماناۋي قۇرالى.

اتلاستى ازىرلەۋ قر پرەزيدەنتىنىڭ «يگىلىك بارشاعا! ساباقتاستىق. ادىلدىك. ورلەۋ» سايلاۋالدى باعدارلاماسىن ىسكە اسىرۋ جونىندەگى ءىس-قيمىل جوسپارىنىڭ 39-تارماعىن ورىنداۋ ءۇشىن جانە قر پرەزيدەنتىنىڭ 2019 جىلعى 19 ماۋسىمداعى جارلىعىمەن بەكىتىلگەن «بىرگە» جالپىۇلتتىق اكتسياسى بارىسىندا الىنعان ۇسىنىستار نەگىزىندە جۇزەگە اسىرىلدى.

«ەڭبەك نارىعىندا سۇرانىسقا يە جاڭا كاسىپتەر مەن قۇزىرەتتەردىڭ اتلاسى» جوباسىن ىسكە اسىرۋ ءۇشىن 2019 جىلعى 31 قازاندا قر ەڭبەك جانە حالىقتى الەۋمەتتىك قورعاۋ مينيسترلىگى (بۇدان ءارى – ەڭبەكمينى)، قر ءبىلىم جانە عىلىم مينيسترلىگى جانە «ەۋرازيالىق توپ» جشس اراسىندا ءوزارا ىنتىماقتاستىق تۋرالى مەموراندۋم جاسالعان بولاتىن.

اتلاستىڭ نەگىزگى ماقساتى قازىرگى ماماندىقتاردى تالداۋ، وزگەرىپ جانە جويىلىپ بارا جاتقان ماماندىقتاردى ەسكەرە وتىرىپ، وزەكتى بولاتىن نەمەسە تاياۋداعى ونجىلدىقتا پايدا بولاتىن ەڭبەك نارىعىنىڭ بولاشاق ترەندتەرىن، ماماندىقتار مەن داعدىلاردى ايقىنداۋ بولىپ تابىلادى.

قازاقستاننىڭ ەڭبەك نارىعىندا سۇرانىسقا يە جاڭا كاسىپتەر مەن قۇزىرەتتەردىڭ اتلاسى 9 نەگىزگى سالا بويىنشا جاسالىپ، جاڭا، وزگەرىپ، سونداي-اق جويىلىپ بارا جاتقان كاسىپتەر مەن قۇزىرەتتەردى بىرىكتىردى. ەڭبەكمينى دۇنيەجۇزىلىك بانكتىڭ «ەڭبەك داعدىلارىن دامىتۋ جانە جۇمىس ورىندارىن ىنتالاندىرۋ» جوباسى شەڭبەرىندە 8 سالانى (مۇناي-گاز، اۋىل شارۋاشىلىعى، كولىك جانە لوگيستيكا، ماشينا جاساۋ، اقپاراتتىق-كوممۋنيكاتسيالىق تەحنولوگيالار، ەنەرگەتيكا، تۋريزم، قۇرىلىس سالالارى) قامتىدى، تاۋ-كەن-مەتاللۋرگيا سالاسىن زەرتتەۋدى «ەۋرازيالىق توپ» جشس ءوز بەتىنشە جۇزەگە اسىردى.

اتلاستى ازىرلەۋ ادىستەمەسى حالىقارالىق تاجىريبەگە جانە ەكونوميكا سالالارىن دامىتۋدىڭ الەمدىك ترەندتەرىنە نەگىزدەلگەن. ول سالالىق ساراپشىلار رەتىندە ءوندىرىس، مەملەكەتتىك ورگاندار، سالالىق قاۋىمداستىقتار جانە ت. ب. وكىلدەرىنىڭ قاتىسۋىمەن راپيد فورسايت (rapid foresight) تەحنولوگياسى بويىنشا پاندىك تەرەڭ زەردەلەۋمەن بولجامدى سەسسيالار وتكىزۋدى قامتىدى.

فورسايت-زەرتتەۋ ەل بويىنشا ءبىراز ادامدى قامتىدى: 2 مىڭنان استام سالالىق ساراپشى، يندۋستريا جانە ينفراقۇرىلىمدىق دامۋ، ەنەرگەتيكا، اۋىل شارۋاشىلىعى، مادەنيەت جانە سپورت، تسيفرلىق دامۋ، يننوۆاتسيالار جانە اەروعارىش ونەركاسىبى، ءبىلىم جانە عىلىم مينيسترلىكتەرىنىڭ نەگىزگى ءپروفيلدى باسشىلارى، ءىرى سالالىق قاۋىمداستىقتار، وتاندىق ونەركاسىپتىك جانە يندۋستريالىق كومپانيالاردىڭ توپ-مەنەدجەرلەرى مەن تاجىريبەلى قىزمەتكەرلەرى، ءبىلىم بەرۋ جۇيەسىنىڭ بارلىق دەڭگەيلەرىنىڭ وكىلدەرى سۇرالدى.

اۋقىمدى زەرتتەۋلەردىڭ قورىتىندىسى بويىنشا 239 جاڭا، 95 ترانسفورماتسيالاناتىن جانە 129 جوعالىپ بارا جاتقان ماماندىق انىقتالدى.

اتلاستا ايقىندالعان جاڭا ماماندىقتار بولاشاقتا جاڭا تەحنولوگيالاردىڭ ەنگىزىلۋىنە سايكەس قانداي قۇزىرەتتەر مەن قىزمەتكەرلەر سۇرانىسقا يە بولاتىنىن تۇسىنۋگە مۇمكىندىك بەرەدى.

ترانسفورماتسيالاناتىن كاسىپتەر تىزبەسىنە قازىرگى ۋاقىتتا سۇرانىسقا يە ماماندىقتار ەندى، بىراق ولاردىڭ وزەكتىلىگىن ساقتاۋ ءۇشىن ماماندار جاڭا داعدىلاردى يگەرىپ، بىلىكتىلىك دەڭگەيىن ارتتىرۋى قاجەت. وسىلايشا، اتلاس ءوز قۇزىرەتتەرىن قاي باعىتتا دامىتۋ كەرەكتىگى تۋرالى نۇسقاۋلىق بولىپ تابىلادى.

جويىلىپ بارا جاتقان ماماندىقتار قازىردىڭ وزىندە مەملەكەتكە تەحنولوگيالىق دامۋ بارىسىندا وزەكتىلىگىن جوعالتىپ بارا جاتقان كەيبىر كاسىپتەرگە سۇرانىستىڭ بولماۋى تۋرالى باعدار بەرەدى.

ازىرلەنگەن اتلاس – بۇل قازاقستاننىڭ ءاربىر ازاماتىنا كەلەشەكتە كاسىپتىڭ پەرسپەكتيۆالى بولۋىن ەسكەرە وتىرىپ، ماماندىقتى دۇرىس تاڭداۋعا، ءبىلىم بەرۋ ۇيىمدارىنا قازاقستاندىقتاردى جاڭا داعدىلار مەن قۇزىرەتتىلىكتەرگە وقىتۋ قاجەتتىلىگىن ەسكەرە وتىرىپ، وقۋ جوسپارلارىن وزەكتەندىرۋگە كومەكتەسەتىن كاسىبي باعدار بەرۋدىڭ زاماناۋي قۇرالى.

اتلاس ناتيجەلەرىن ىڭعايلى پايدالانۋ ءۇشىن «ەلەكتروندىق ەڭبەك بيرجاسى» پورتالىنىڭ ينتەراكتيۆتى ىشكى مودۋلىندە ەلەكتروندىق سىلتەمە، سونداي-اق IOS جانە ANDROID پلاتفورمالارىنا ارنالعان اتلاستىڭ ءموبيلدى قوسىمشاسى ازىرلەندى.

سوڭعى جاڭالىقتار

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار