ايماقتار • 03 جەلتوقسان، 2020

شىمكەنت گارنيزونىندا جاڭا وقۋ جىلى باستالدى

16 رەت كورسەتىلدى

شىمكەنت گارنيزونىنىڭ بارلىق اسكەري بولىمدەرى مەن جەرگىلىكتى اسكەري باسقارۋ ورگاندارىندا قازاقستان رەسپۋبليكاسى قارۋلى كۇشتەرىنىڭ جوسپارىنا سايكەس « ۇلى دالا اسكەرى – تاۋەلسىزدىك تىرەگى!» اتتى جاۋىنگەرلىك ۇرانىمەن جاڭا وقۋ جىلى باستالدى، دەپ حابارلايدى Egemen.kz.

جاڭا وقۋ جىلىنىڭ الدىندا بارلىق جەرلەردە دايىندىق شارالارى ءوتتى. اسكەري قىزمەتشىلەرگە سالتاناتتى تۇردە قارۋ مەن جاۋىنگەرلىك تەحنيكا تابىس ەتىلدى. 2020 جىلدىڭ كۇزىندە شاقىرىلعان جاس تولىقتىرۋ اسكەري انت قابىلدادى جانە بولىمشەلەرگە ءبولىندى.

جاڭا وقۋ جىلى ءداستۇر بويىنشا ميتينگتەردەن باستالدى، وندا اسكەري قىزمەتشىلەر الداعى وقۋ كەزەڭىنە قابىلداعان مىندەتتەمەلەرىن ايتتى. اسكەري بولىمدەر مەن بولىمشەلەردىڭ كومانديرلەرى جەكە قۇراممەن مەملەكەتتىك-قۇقىقتىق دايىندىق بويىنشا دارىستەر وتكىزدى.

ءبىرىنشى اپتادا بارلىق بولىمدەر مەن مەكەمەلەردە جاۋىنگەرلىك ازىرلىك بويىنشا ساباقتار وتەدى. ولار حابارلاۋ جۇيەسىنىڭ تيىمدىلىگىن تەكسەرۋ، باسقارۋ ورگاندارى (شتابتار) جۇمىسىنىڭ ۇيلەسىمدىلىگىن ارتتىرۋ، جەكە قۇرامنىڭ پراكتيكالىق داعدىلارىن دامىتۋ، باسقارۋ ورگاندارىنىڭ، قۇرامالار مەن اسكەري بولىمدەردىڭ ءوزارا ءىس-قيمىل دەڭگەيىن جەتىلدىرۋ ءۇشىن جۇرگىزىلەدى.

جاۋىنگەرلىك ازىرلىك اپتاسىنان كەيىن بارلىق ساناتتاعى اسكەري قىزمەتشىلەر ماماندىق بويىنشا ساباق وتەدى، ول جەكە قۇرامنىڭ اتقاراتىن لاۋازىمدارى كولەمىندە فۋنكتسيونالدىق مىندەتتەردى، شتاتتىق قارۋ-جاراق پەن اسكەري تەحنيكانىڭ ماتەريالدىق بولىگىن، ولاردى پايدالانۋ ءتارتىبىن زەردەلەۋ تاقىرىپتارىن قامتيدى.

جىل بويى جەكە قۇرامدى وقىتۋ اسكەري قىزمەتشىلەردى ماماندىق بويىنشا دايارلاۋدى، بولىمشەلەردى ۇيلەستىرۋ، جاۋىنگەرلىك اتىستار مەن تاكتيكالىق وقۋ-جاتتىعۋلاردى قامتيتىن جاۋىنگەرلىك دايارلىق باعدارلاماسى بويىنشا جۇرگىزىلەتىن بولادى.

سوڭعى جاڭالىقتار

جىلجىمالى زەرتحانالار جولعا شىقتى

مەديتسينا • بۇگىن، 21:25

بيىل 200 جاڭا مەكتەپ سالىنادى

ءبىلىم • بۇگىن، 14:47

ۇقساس جاڭالىقتار