ساياسات • 03 جەلتوقسان، 2020

Nur Otan قاتارىنا 1،5 مىڭ قازاقستاندىق قوسىلدى

6 رەت كورسەتىلدى

تۇڭعىش پرەزيدەنت كۇنى قارساڭىندا ەلوردادا Nur Otan پارتياسىنا سالتاناتتى قابىلداۋ ءوتتى. بيلەۋشى پارتيانىڭ قاتارىنا ءتۇرلى قىزمەت سالالارىنداعى بەلسەندى جانە تالانتتى قازاقستاندىقتار قوسىلدى.

پارتيانىڭ ءباسپاسوز قىز­مەتىنىڭ مالىمەتىنشە، Nur Otan پارتياسىنا بارلىعى 1،5 مىڭعا جۋىق ازامات كىرگەن.

پارتيانىڭ جاڭا مۇشە­لەرىنە پارتيا بيلەتتەرىن تابىستاي وتىرىپ، Nur Otan تور­اعاسىنىڭ ءبىرىنشى ورىنباسارى باۋىرجان بايبەك قازاقستان رەسپۋبليكاسىنىڭ تۇڭعىش پرەزيدەنتى كۇنى – ەلباسىنىڭ مەملەكەتىمىزدىڭ قالىپتاسۋى مەن دامۋىنداعى ەرەكشە ءرولىن ايشىقتاۋدىڭ بەلگىسى ەكەنىن اتاپ ءوتتى.

«ەلباسىنىڭ مۇقالماس ەرىك-جىگەرى مەن قايسار قاجىرلىعى ءبىزدىڭ ءبارىمىز ءۇشىن دە، بولاشاق ۇرپاق ءۇشىن دە ءاردايىم وتان­عا قىزمەت ەتۋدىڭ تەڭدەسسىز ۇل­گىسى بولادى. تۇڭعىش پرەزي­دەنتى­مىز نۇرسۇلتان ءابىش ۇلى نازارباەۆتىڭ شەشىمىمەن ەلى­مىز ءۇشىن اسا ماڭىزدى ىرگەلى ىس­تەر جۇزەگە استى: شەكارامىز شەگەندەلىپ، جاڭا ەلوردا­مىز بوي تۇزەدى. سەمەي پولي­گونىن جابۋ، ەتنوسارالىق كەلى­سىمدى قامتاماسىز ەتۋ، نا­رىق­تىق ەكونوميكا مەن زاماناۋي ينفراقۇرىلىمدى قا­لىپ­تاس­تىرۋ، دەموگرافيالىق داع­دا­رىستى ەڭسەرۋ سياقتى جانە باس­قا دا كوپتەگەن ماسەلەلەر شەشىلدى»، – دەدى باۋىرجان بايبەك.

ونىڭ ايتۋىنشا، ەلىمىزدىڭ تۇڭعىش پرەزيدەنتى نۇرسۇلتان نازارباەۆتىڭ جانە حالىقتىڭ قولداۋىنىڭ ارقاسىندا Nur Otan پارتياسى ۋاقىت تالابىنا سايكەس ومىرلىك ماڭىزدى رەفورمالار جۇرگىزىپ وتىرعان ەلىمىزدىڭ جەتەكشى ساياسي كۇشىنە اينالدى.

«ەلباسى اتاپ وتكەندەي، Nur Otan پارتياسى ارقاشان نەگىزگى ءۇش قاعيدانى باسشىلىققا الادى جانە ونى بەرىك ۇستانادى. بۇل – جاۋاپكەرشىلىك، بىرلىك جانە ورتاق ماقساتقا دەگەن ادالدىق. ءبىز الداعى سايلاۋ ناۋقانىنا تىڭعىلىقتى دايىندالدىق. ءار ءوڭىر، قالا جانە اۋدانداعى الەۋمەتتىك-ەكونوميكالىق اح­ۋالدى تالداۋ نەگىزىندە ساي­لاۋال­دى باعدارلامالاردىڭ 216 جوباسى ازىرلەندى. مەملەكەت باسشىسى قاسىم-جومارت كەمەل ۇلى توقاەۆتىڭ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرا وتىرىپ، پرايمەريز بارىسىندا حالىقتان 20 مىڭعا جۋىق تالاپ-تىلەك جينالدى. ولاردىڭ باسىم بولىگى پارتيانىڭ الداعى بەس جىلدىق «وزگەرىستەر جولى: ءار ازاماتقا لايىقتى ءومىر!» ساي­لاۋالدى باعدارلاماسىنا ەنگىزىلدى. العا قويعان ماق­ساتتار مەن مىندەتتەردى ساپالى جۇزەگە اسىرۋ پارتيانىڭ ءاربىر مۇشەسىنە بايلانىستى» – دەپ اتاپ ءوتتى باۋىرجان بايبەك.

Nur Otan پارتياسىنىڭ قاتارىنا قابىلدانعانداردىڭ اراسىندا تراۆماتولوگ-دارىگەر، جوعارى ساناتتى ورتوپەد ولجاس بەكارىسوۆ بار. ول پاندەميا كەزىن­دە ادامدارعا قولۇشىن سو­زىپ، ەل يگىلىگى ءۇشىن جۇمىس ىس­تەي­ت­ىندەردىڭ قاتارىندا بول­عى­سى كەلەتىندىكتەن دە پارتيا قاتا­رىن تولىقتىرعانىن اتاپ ءوتتى.

ال زاڭگەر انار قۇ­سا­يى­نوۆا­­نىڭ ايتۋىنشا، ونىڭ پار­تياعا كىرۋ سەبەبى ادامدارعا كومەكتەسۋگە دەگەن نيەتىمەن باي­لانىستى.

«2017 جىلى ۇلىم زاڭسىز سوت­تالىپ، قيىن جاعدايعا تاپ بولدى. قانشاما جەرگە جۇ­گىنسەم دە ناتيجە بولمادى. سودان كەيىن Nur Otan پار­تيا­سىنىڭ قوعامدىق قابىل­داۋ بولمەسىنەن كومەك سۇرا­دىم. پارتيا قولداۋىمەن ۇيىم­داس­تىرىلعان كوپتەگەن كەزدەسۋ­لەردىڭ ناتيجەسىندە ءىس قايتا قولعا الىندى. سوندىقتان دا مەن پارتياعا سانالى تۇردە، شىن ىقىلاسىممەن مۇشە بول­دىم. وسى جەردە ءوزىم سياق­تى ازاماتتاردىڭ ءومىرىن جاق­سى جاققا وزگەرتكىسى كەلە­تىن مۇ­راتتاس جانداردى كەزدەس­تىردىم. مەنىڭ ادام قۇقىقتارى سالاسىنداعى كوپجىلدىق تاجى­ريبەم دە كادەگە جارايدى دەپ ۇمىتتەنەمىن»، – دەدى ول.

«مەن قاراعاندى وبلىسىنىڭ تۋماسىمىن. 23 جاستامىن، اكەم مەن اتام سياقتى شاحتەر بولىپ جۇمىس ىستەيمىن. شاحتەر بولىپ ەڭبەك ەتۋ بارلىق ۋاقىتتا دا كۇردەلى جانە قاۋىپتى كاسىپ بولدى. ءبىز ەڭبەك پەن ءومىردىڭ ناقتى قۇنىن بىلەمىز، سونداي-اق ادەمى سوزدەرگە ەمەس، ناقتى ىستەر­گە عانا سەنەمىز. پرايمەريز كەزىن­دە مەن شاحتينسك قالاسىنا ار­نالعان پارتيا باعدار­لاما­سىمەن تانىستىم. مەن وسى ىسكە ارالاسىپ، ءوز قالاما پايداسى تيەتىن ازامات بولعىم كەلەدى. سوندىقتان دا پارتياعا كىرۋدى ءجون كوردىم»، دەدى باۋىرجان ايتماعامبەتوۆ.

سونداي-اق «Bizbirgemiz» رەسپۋبليكالىق اكتسياسىنىڭ بەلسەندى قاتىسۋشىسى، ينجەنەر دانيار دۇكەنباەۆ، كوكشە­تاۋ قالاسىنىڭ تۋماسى، عالىم، «اگرونوميا» ماماندىعى بو­يىنشا PHD دوكتورى ماردەن بايدالين، مادەنيەت وكىلى اسحات مادەن، اقمولا وبلىسى زەرەندى اۋىلىنىڭ سپورتشىسى سۆەتلانا پروكوپەۆا، زاڭ كونسۋلتانتتارى پالاتاسى­نىڭ مۇشەسى جانار دوسەتوۆا، كوكشەتاۋ قالاسىنان ينفورماتيكا ءپانىنىڭ مۇعالىمى نياز تالعات ۇلى جانە شىمكەنت قالا­­سىنىڭ جاستار ءىسى جونىندەگى ۋني­ۆەرسيتەت كوميتەتىنىڭ ءتور­ايىمى ايدانا اينابەك پارتيا بيلەتتەرىن الدى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

ۇقساس جاڭالىقتار