سۋرەتتە: №21450 اسكەري بولىمشەسىنىڭ جاۋىنگەرى باقىت يبرايموۆ
كۇزگى اسكەرگە شاقىرۋ ناۋقانى بارىسىندا قارۋلى كۇشتەردىڭ اسكەري بولىمدەرى قازاقستاننىڭ بارلىق وڭىرلەرىنەن كەلگەن ساربازدارمەن تولىقتى. ولار العاشقى اسكەري دايىندىق باعدارلاماسىن اياقتاپ, مەرەكە كۇنى اسكەري انت بەردى.
سالتاناتتى راسىمگە اسكەرلەر قولباسشىلارى مەن ولاردىڭ ورىنباسارلارى, اسكەري بولىمدەردىڭ كومانديرلەرى قاتىستى.اسكەري انت قابىلداعاننان كەيىن جاس ساربازدار قويان-قولتىق ۇرىس پەن ساپتىق دايارلىق ەلەمەنتتەرىن كورسەتتى. «ەلىمىز ءۇشىن ايتۋلى كۇنى ءدال وسىنداي اسكەري انت قابىلداۋ بىزگە ۇلكەن مارتەبە. بۇل بارىمىزگە ەرەكشە جاۋاپكەرشىلىك جۇكتەيدى. بارلىق ازاماتتاردى قازاقستان رەسپۋبليكاسىنىڭ تۇڭعىش پرەزيدەنتى كۇنىمەن قۇتتىقتايمىن! وتانىمىزدىڭ يگىلىگى ءۇشىن اسكەري بورىشىمىزدى ابىرويمەن ورىندايمىز دەپ سەنىممەن ايتا الامىن», دەدى 41433 اسكەري ءبولىمىنىڭ قاتارداعى جاۋىنگەرى ايبار ومار.
سانيتارلىق-ەپيدەميالىق جاعدايدى ەسكەرە وتىرىپ, سالتاناتتى ءىس-شارا تۋىستارى مەن جاقىندارىنىڭ قاتىسۋىنسىز ءوتتى.
وتان الدىندا ادال بولۋعا انت بەرۋ – ءار ازاماتتىڭ ومىرىندەگى ۇمىتىلماس وقيعا. وتان قورعاۋشىلار وزدەرىنىڭ كونستيتۋتسيالىق مىندەتتەرىن ابىرويمەن اتقارىپ, اتا-اناسىنىڭ, ەلىنىڭ جانە ەل پرەزيدەنتىنىڭ سەنىمىن اقتاۋعا دايىن. اسكەري بولىمدەردىڭ باسشىلىعى ءوز كەزەگىندە, ساربازداردىڭ اسكەري بورىشىن ءساتتى اتقارۋى, اسكەري ماماندىقتاردى, اسكەري دايارلىقتىڭ ۇدايى وتكىزىلەتىن ساباقتارىن مەڭگەرۋى ءۇشىن بار جاعدايدى جاساعان.
