ەكولوگيا • 03 جەلتوقسان، 2020

«كيىك» اكتسياسى باستالدى

44 رەت كورسەتىلدى

قازاقستاندا كەڭ اۋقىمدى «كيىك» تابيعاتتى قورعاۋ اكتسياسى باستالدى. بۇل برا­كونەرلىكتىڭ الدىن الۋ­عا، سونداي-اق فاۋنانىڭ باس­قا دا تۇرلەرىن ساتۋعا جانە وتكىزۋگە ماماندانعان قىل­مىستىق توپتاردىڭ قىز­مەتىن انىقتاپ، ولارمەن كۇرەس جۇمىستارىن كۇ­شەيتۋ ماقساتىنا با­عىتتالعان شارا.

illustrators.ru

«كيىك» اكتسياسىنا «وحوت­زووپروم ءوب» كاسىپور­نىنىڭ جا­نۋارلار دۇنيەسىن قورعاۋ قىز­مەتىنەن 224 ينسپەكتور، 68 جول تالعامايتىن كولىك، 23 قار­دا جۇرگىش تەحنيكاسى، 2 بىر­لىك «بەرلوگا» ۆاگونشالارى ء(ووف، ءبوف) جۇمىلدىرىلادى. سو­نىمەن قوسا «وحوتزووپروم ءوب» باستاماسىمەن ەرەكشە قور­عالاتىن تابيعي اۋماقتار مەن جانۋارلار دۇنيەسىن ەسەپتەۋ جانە مونيتورينگ بولىمدەرىنەن ينس­پەكتورلار تارتىلماق.

ءار وڭىرلىك فيليالدا وبلىستىق اۋماقتىق ينسپەكتسيالار مەن ىش­كى ىستەر ورگان وكىلدەرىنەن جا­ساق­تالعان بىرلەسكەن موبيلدىك توپتار جۇمىس ىستەيدى. سونداي-اق اكىمدىكتەردىڭ كەلىسىمىمەن بەل­گىلەنگەن كارانتيندىك بلوك بە­كەتتەرىندە «كيىك» كەڭ اۋقىمدى اك­تسياسى بويىنشا بىرلەسكەن ءىس-شارالار جۇرگىزىلمەك.

اتالعان ناۋقان اقمولا، اق­توبە، اتىراۋ، جامبىل، با­تىس قازاقستان، شىعىس قازاق­ستان، قاراعاندى، قوستاناي، قىزىل­وردا، ماڭعىستاۋ، پاۆلودار جانە سولتۇستىك قازاقستان وبلىس­تارىنىڭ اۋماعىندا وتكىزىلەدى.

2019 جىلى كيىكتەردى زاڭسىز اتۋدىڭ 47 برا­كونەرلىك فاكتىسى انىقتالىپ، 641 ۇشا مەن 284 كيىكتىڭ ءمۇيىزى تاركىلەندى. 203 اكىمشىلىك حاتتاما تولتىرىلىپ، قىلمىستىق جازاعا 43 زاڭ بۇزۋشى تارتىلدى. تابيعات رەسۋرستارىنا كەلتىرىلگەن شىعىن 3،3 ملرد تەڭگەنى قۇرادى.

بىلتىر مەملەكەت باسشىسى­نىڭ تاپسىرماسىمەن قازاقستاندا براكونەرلىككە قارسى جازا كۇ­شەيتىلدى. قولعا الىنعان اكتسيا 31 جەلتوقسانعا دەيىن جالعاسادى.

 

سوڭعى جاڭالىقتار

ۇقساس جاڭالىقتار