رۋحانيات • 02 جەلتوقسان، 2020

بەيسەن قۇرانبەككە ارنالعان "ساۋلە-عۇمىر" شىعارىلىمى ەفيردەن كورسەتىلەدى

885 رەت كورسەتىلدى

بەيسەن قۇرانبەكتىڭ تۋعان كۇنى قارساڭىندا "الماتى" تەلەارناسىنىڭ "ساۋلە-عۇمىر" باعدارلاماسىندا تانىمال تۇلعاعا ارنالعان جوبانىڭ الدىن الا كورسەتىلىمى ءوتتى، دەپ حابارلايدى Egemen.kz

باعدارلاما ءتۇسىرىلىمى تۋعان-تۋىستارى، دوس-جاراندارى مەن ارىپتەستەرىنىڭ قولداۋىمەن جۇزەگە استى.

"الماتى" تەلەارناسى ۇيىمداستىرعان الدىن الا كورسەتىلىمگە بۇقارالىق اقپارات قۇرالدارىنىڭ جەتەكشىلەرى مەن ارىپتەس، قىزمەتتەس بولعان جۋرناليستەر قاتىستى. 

بەلگىلى جۋرناليست، تەلەجۇرگىزۋشى بەيسەن قۇرانبەكتى ەسكە الۋ قۇرمەتىنە ارنالعان "ساۋلە-عۇمىر" باعدارلاماسى 5 جەلتوقساندا، ساعات 23:00-دە "الماتى" تەلەارناسىنان كورسەتىلەدى.

ەسكە سالايىق، جۋرناليست بەيسەن قۇرانبەك بيىل مامىردا قايتىس بولعان ەدى. ول ءبىر جىل بويى قاتەرلى ىسىكپەن كۇرەسكەن.  

بەيسەن قۇرانبەك 1971 جىلدىڭ 9 جەلتوقسانىندا الماتى وبلىسىنىڭ قىزىلجار اۋىلىندا دۇنيەگە كەلگەن. ۇزاق جىلدار بويى ەلىمىزدەگى بىرقاتار رەسپۋبليكالىق تەلەارنادا قىزمەت اتقارعان.

2013-2017 جىلدارى Qazaqstan ۇلتتىق تەلەارناسىنداعى كوپشىلىككە تانىمال "ايتۋعا وڭاي" الەۋمەتتىك-تۇرمىستىق توك-شوۋىنىڭ جۇرگىزۋشىسى بولدى. 2017 جىلدىڭ قىركۇيەك ايىنان ۇلتتىق ارناداعى "قارەكەت" باعدارلاماسىنىڭ تىزگىنىن ۇستاعان ەدى. 2014 جىلدان باستاپ الماتى وبلىستىق "جەتىسۋ" تەلەارناسىنىڭ باس ديرەكتورى قىزمەتىن اتقارىپ كەلدى.

سوڭعى جاڭالىقتار

سقو «قىزىل ايماققا» ەندى

ايماقتار • كەشە

ۇقساس جاڭالىقتار