وبلىستىق قوعامدىق دەنساۋلىق باسقارماسى مەن «Densaulyq» مەديتسينا قىزمەتكەرلەرىنىڭ جەرگىلىكتى كاسىپوداعى بىرلەسىپ ۇيىمداستىرعان كەزەكتى قايىرىمدىلىق شارا تۇركىستان قالاسىندا ءوتتى. وندا مەديتسينالىق مەكەمەلەردە جۇمىس ىستەيتىن كوپبالالى جانە جالعىزباستى انالار مەن تۇرمىس دەڭگەيى تومەن قىزمەتكەرلەرگە ەڭ قاجەتتى دەگەن ازىق-ت ۇلىكتەر ۇلەستىرىلدى. «مەن جالعىزباستى انامىن, اليمەنت المايمىن. جالعىز تابىس كوزى – جۇمىستان الاتىن ايلىعىم. ءبىر جالاقىمەن بالالارىمدى اسىراۋ قيىن ماعان. ۇلكەن قىزىم ستۋدەنت. دەنساۋلىق باسقارماسىنا, كاسىپوداققا راحمەت ۇلكەن, مۇنىڭ ءوزى بىزگە ۇلكەن كومەك», دەيدى جالعىزباستى انا ءمولدىر سارسەنباەۆا.
سونداي-اق, كاسىپوداق قىزمەتكەرلەرى بۇل كۇنى تۇركىستان قالاسىنداعى مەديتسينا كوللەدجىنىڭ ستۋدەنتتەرىنە ارنايى ستيپەنديا تاعايىنداپ, سەرتيفيكاتتارىن تابىس ەتتى. ەندىگى جەردە وقۋدا وزات جانە بەلسەندى جاستارعا ءبىر جىل كولەمىندە شاكىرتاقى بەرىلەتىن بولادى. ايتا كەتەيىك, مەديتسينا سالاسىندا ەڭبەك ەتىپ جۇرگەن ءاربىر قىزمەتكەردىڭ تۇرمىستىق جاعدايىنا بەيجاي قارامايتىن كاسىپوداق ۇيىمى بيىل باسپاناسى ورتەنگەن جانە وندىرىستىك جاراقات العان قىزمەتكەرلەرگە دە ماتەريالدىق كومەك كورسەتتى. ال پاندەميا كەزىندە ناۋقاستاردى ەمدەيمىن دەپ, وزدەرى باقيلىق بولعان دارىگەرلەر مەن مەدبيكەلەردىڭ, تازالىق قىزمەتكەرلەرى مەن جۇرگىزۋشىلەردىڭ وتباسىلارىنا 100 مىڭ تەڭگەدەن كومەك بەرىلگەن. وبلىستىق قوعامدىق دەنساۋلىق باسقارماسى باسشىسى مارات پاشيموۆتىڭ باتاماسىمەن كارانتيندىك احۋال ەسكەرىلە وتىرا وڭىردەگى مەديتسينا قىزمەتكەرلەرىنە وسىلايشا جان جاقتى قولداۋ كورسەتىلىپ كەلەدى. ماتەريالدىق قولداۋدان بولەك اق حالاتتى ابزال جانداردىڭ شيپاجايلاردا دەمالىپ, دەنساۋلىقتارىن جاقسارتۋلارىنا دا كوپ كوڭىل بولىنۋدە.
تۇركىستان وبلىسى
