بۇگىن, 1 جەلتوقسان كۇنى ليۆاننىڭ سولتۇستىگىندە سۋننيتتەر مەن الاۆيتتەر اراسىندا قايتادان ۇرىس قيمىلدارى باستالدى. بۇل تۋرالى يتار-تاسس حابارلادى.
«ليۆاننىڭ تريپولي قالاسىنىڭ سولتۇستىك بولىگىندە كەسكىلەسكەن ۇرىس قيمىلدارى ءجۇرىپ جاتىر. «ءال-مانار» تەلەۆيدەنيەسىنىڭ حابارىنا قاراعاندا, تۇندە سۋننيت-سودىرلاردىڭ ءبىر توبى الاۆيتتەردىڭ دجەبەل موحسەندەگى انكلاۆىنا شابۋىل جاساپ, كەپىلگە ادام الىپ كەتۋگە ارەكەت جاساعان. قارۋلى شابۋىل وقيعاعا ليۆان اسكەرلەرى ارالاسقاننان كەيىن ۋاقىتشا توقتاپ تۇرعان كەزدە ورىن الدى», - دەپ مالىمدەيدى اگەنتتىك ءتىلشىسى.
بۇل قاقتىعىستاردان توعىز ادام قازا بولىپ, توعىز سولداتتى قوسىپ ەسەپكە العاندا قىرىق ادام جاراقاتتانىپ قالدى..
جەكسەنبى كۇنى تاڭەرتەڭ زاحريا, ازمي جانە كارام كوشەلەرىندە, سونداي-اق سيريامەن شەكارا اۋماعىنان تارتىلاتىن حالىقارالىق تاس جولدىڭ بويىندا اتىس باستالدى. سودىرلار تاعى گراناتومەتتى بەلسەندى تۇردە قولدانۋعا كىرىستى. بۇل ارەكەت جۇرتتى باسپالاردا تىعىلۋعا ءماجبۇر ەتۋدە. كولەمى جاعىنان ەلدەگى ەكىنشى قالادا تىرشىلىك توقتاپ قالدى.
سيريادان 30 شاقىرىم جەردەگى تريپوليدە بولىپ جاتقان وقيعالاردى بەيرۋت كوممەنتاتورلارى ءوز ەلدەرىندەگى جاعدايلارمەن بايلانىستىرا قاراستىرىپ وتىر. مۇندا سيريا ب ۇلىكشىلەرى ليۆاننىڭ سولتۇستىگىندەگى سۋننيت فۋندامەنتاليستەرىنەن كەڭ قولداۋ الۋدا. ال حريستياندارمەن قوسقاندا, تريپوليدەگى ۇلەسى 20 پايىزدان اسپايتىن الاۆيتتەر كەرىسىنشە باشار اساد ۇكىمەتىنىڭ وداقتاستارى رەتىندە قيمىل كورسەتىپ كەلەدى.
باقىتبەك كەنەش ۇلى.
دەرەككوز: «يتار-تاسس»
