قازاقستاننىڭ تۇركياداعى ەلشىلىگى ۇيىندە تۇڭعىش پرەزيدەنت كۇنى كەڭ كولەمدە اتاپ ءوتىلدى. بۇل تۋرالى Total.kz حابارلادى.
شارانىڭ شەڭبەرىندە قازاقستاننىڭ تۇركياداعى ەلشىسى جانسەيىت تۇيمەباەۆ حاتاي پروۆينتسياسىنا ىسساپارمەن باردى. ساپار كەزىندە پروۆينتسيا گۋبەرناتورى قاديم دوعانمەن, انتاكيا قالاسىنىڭ مەرى ليۋتفۋ ساۆاشپەن, مۇستافا كەمال اتىنداعى ۋنيۆەرسيتەتتىڭ رەكتورى, پروفەسسور حۋسنيۋ ساليح گيۋلەرمەن, بيزنەس وكىلدەرىمەن جانە مادەنيەت قايراتكەرلەرىمەن كەزدەسىپ, بىرقاتار وندىرىستىك نىسانداردى ارالادى.
وسى كۇنى قازاقستاننىڭ تۇڭعىش پرەزيدەنتى جانە رەسپۋبليكانىڭ تاۋەلسىزدىك جىلدارى قول جەتكىزگەن جەتىستىكتەرى تۋرالى فوتوكورمەلەر ۇيىمداستىرىلدى.
حاتاي پروۆينتسياسىنىڭ باسشىلىعى قازاقستان مەن ونىڭ پرەزيدەنتىنىڭ قول جەتكىزگەن جەتىستىكتەرىن اتاپ ءوتىپ, جوعارى باعاسىن بەردى.
دانيار تۇيمەباي.
دەرەككوز: Total.kz
