بۇگىن, 1 جەلتوقساندا باتىس قازاقستان وبلىسىنىڭ ورتالىعى – ورال قالاسىندا تۇڭعىش پرەزيدەنت كۇنىنە وراي وتكىزىلگەن شارا اياسىندا نازارباەۆ زياتكەرلىك مەكتەبىنىڭ اۋلاسى مەن نەكە سارايى الدىنداعى سكۆەرگە 200 ءتۇپ اعاش وتىرعىزىلدى. بۇل تۋرالى «موي گورود» پورتالى حابارلادى.
«اۋداندا 2 مەكتەپ, 1 بالالار باقشاسى جانە كوپتەگەن تۇرعىن ۇيلەر بار. ەندى بالالارعا دا, ەرەسەكتەرگە دە مۇنداي سۇلۋلىقتى كورۋ جاقسى اسەر ەتەتىن بولادى, - دەدى ورال قالاسىنىڭ اكىمى التاي كۇلگىنوۆ. – ءبىز بۇگىن نازارباەۆ زياتكەرلىك مەكتەبى جانىنا - 170, ال نەكە سارايى اۋماعىنا 30 ءتۇپ شىرشا وتىرعىزامىز».
بۇل جۇمىستاردى اكىمدەر ۇيىمشىلدىقپەن اتقارا ءبىلدى. سونداي-اق,ولارعا قالانىڭ كوممۋنالدىق شارۋاشىلىق ءبولىمىنىڭ قىزمەتكەرلەرى كومەككە كەلىپ, ەڭبەك كورىگىن قىزدىرىپ جىبەردى.
«تۇڭعىش پرەزيدەنت كۇنى مەرەكەسى قارساڭىندا الەۋمەتتىك ماڭىزى بار كوپتەگەن نىساندار اشىلىپ, قاتارعا قوسىلدى, - دەدى وبلىس اكىمى نۇرلان نوعاەۆ. – بۇگىن ءبىز 200 اعاش وتىرعىزدىق. ەندى وسى باستاما جاقسى داستۇرگە اينالادى دەگەن ۇمىتتەمىز».
باقىتبەك كەنەش ۇلى.
دەرەككوز: «موي گورود»
