"جاتاقحانانىڭ جالپى اۋماعى - 2500 شارشى مەتر. اۋماقتا 100 كونتەينەر ورنالاسقان, ونىڭ 48-ءى ورتەندى. ءورت ساعات 06.40-تا تولىق ءسوندىرىلدى. وقيعا ورنىندا 3 ادامنىڭ ءمايىتى تابىلدى. الدىن الا بولجام بويىنشا ولار 1967, 1985, 1970 جىلى تۋعان جۇمىسشىلار. وندا بارلىعى 30 جۇمىسشى تۇرعان. ونىڭ 27-ءسى ورتتەن 19 شاقىرىم قاشىقتىقتا ورنالاسقان اسحاناعا ورنالاستىرىلدى.
وقيعا ورنىنا توتەنشە جاعدايلار دەپارتامەنتىنىڭ 19 قىزمەتكەرى مەن 3 تەحنيكاسى, "پوجمونتاجقۇرىلىس" جشس مەملەكەتتىك ەمەس ورتكە قارسى قىزمەتىنىڭ 9 جۇمىسشىسى مەن 2 تەحنيكاسى, "پەتروقازاقستانقۇمكولرەسۋرسى" جشس مەملەكەتتىك ەمەس ورتكە قارسى قىزمەتىنىڭ 3 قىزمەتكەرى مەن 1 تەحنيكاسى شىقتى", دەلىنگەن حابارلامادا.
