ءبىرىنشى جەلتوقسانعا زياتكەرلىك مەكتەپتەر جەلىسىندە اۋقىمدى باعدارلاما جوسپارلانعان. مەرەكەلىك مارافوندى العاشقىلاردىڭ ءبىرى بولىپ وسكەمەندە «ەلباسى سۇيگەن ەل ءانى» باستادى, بەينەچەللەندج قاراعاندىداعى جانە پەتروپاۆلداعى زياتكەرلىك مەكتەپتەرگە جولداندى.
ورالدا «پرەزيدەنتتىڭ باستامالارى» تاقىرىپتىق NIS Tallks وتەدى. قوستانايدا «ەلباسىنىڭ كىتاپتارى» اتتى ۆيرتۋالدى كورمە ازىرلەنۋدە. قىزىلورداداعى زياتكەرلىك ويىنعا وقۋشىلارمەن بىرگە ولاردىڭ اتا-انالارى دا قاتىسادى. پاۆلوداردا «زامانداستار جىرلارى» جوباسى اياسىندا ديكتورلار كلۋبى كوركەم وقۋدان «تاۋەلسىز ەلدىڭ ۇلاندارى» بايقاۋىن ۇيىمداستىرماق. شىمكەنت قالاسىنداعى فيزيكا-ماتەماتيكا باعىتىنداعى نزم «ۇرپاقتار ساباقتاستىعى» جوباسى اياسىندا وقۋشىلار اتا-اجەلەرىمەن بىرگە ەلباسىنىڭ كىتاپتارىن وقيدى.
تالدىقورعاندا كەزدەسۋگە «التىن دومبىرانىڭ» ەكى دۇركىن يەگەرى, «دارىن» مەملەكەتتىك جاستار سىيلىعىنىڭ لاۋرەاتى جانداربەك بۇلعاقوۆ شاقىرىلدى. شىمكەنت قالاسىنداعى حيميا-بيولوگيا باعىتىنداعى زياتكەرلىك مەكتەپتە «ەلباسى – ماڭگىلىك ەل كوشباسشىسى» اتتى ونلاين كونفەرەنتسيا وتەدى.
بارلىق زياتكەرلىك مەكتەپتەردە «بۇگىنگى شاڭىراق كوشباسشىلارى – بولاشاق ەل كوشباسشىلارى» كوشباسشىلار فورۋمى مەن «الەم تانىعان ەلباسى» TEDx كونفەرەنتسيالارى, «قازاقستاندىق جول. ن.نازارباەۆ» ۆيرتۋالدى ەكسكۋرسيالار مەن «ەل تىرەگى – ەلباسى» كىتاپ كورمەلەرى, «ەلباسىنىڭ قولتاڭباسى» (ەسسە) جانە «ەلىن سۇيگەن, ەلى سۇيگەن ەلباسى» (سۋرەت) بايقاۋلارى, قايىرىمدىلىق اكتسيالارى, سپورتتىق ەستافەتالار مەن تيمبيلدينگتەر, «ەلىمنىڭ باعى – ەلباسى» اتتى كونتسەرتتەر مەن وزگە دە شارالار جوسپارلانعان.
مەرەكە كۇندەرىندە بارلىق نازارباەۆ زياتكەرلىك مەكتەپتەرىندە قاشىقتان ۇيىمداستىرىلعان «تۋعان ەلگە تاعزىم» تاريحي-ولكەتانۋلىق زەرتتەۋ ەكسپەديتسياسى ءوز مارەسىنە جەتەدى. ءاربىر وڭىردە بالالار ءتورت باعداردان ءوتتى: تاريحي مۇرا (« ۇلى دالا وركەنيەتى»); تابيعي قورىق («تۋعان ولكەم – جۇماق مەكەن!»); مادەني مۇرا («ۇلت رۋحانياتى – بابالار اماناتى»); يننوۆاتسيالىق دامۋ («وندىرىستىك يننوۆاتسيا كەپىلى – زياتكەرلىك الەۋەت»).
