جاڭارتىلعان رۋحانيات وشاعىنىڭ وقۋ زالى كەڭ, ءارى كوپ فۋنكتسيونالدى. كىتاپحانا ءىشى «IDEA-ROOM activity», «Face To Face», «وقۋ» جانە «تسيفرلاندىرۋ» اۋماقتارىنا بولىنگەن. ستۋدەنتتەر ەمىن-ەركىن, ەشكىمنىڭ كومەگىنە جۇگىنبەي-اق كىتاپحانا قورىنا قول جەتكىزە الادى. ءوز بەتىنشە كەرەك كىتاپتاردى الىپ, تىركەپ, پايدالانا بەرەدى. شىعابەرىستە ورناتىلعان ارنايى قۇرىلعىنىڭ ارقاسىندا, كىتاپتى رۇقساتسىز الىپ كەتۋ مۇمكىن ەمەس.
سالتاناتتى ءىس-شارادا ءبىرىنشى پرورەكتور ساۋلە راحمەتۋللينا جينالعان قاۋىمدى تۇڭعىش پرەزيدەنت كۇنىمەن قۇتتىقتادى. سونىمەن قاتار, كىتاپحانادا كوپ جىلدار ەڭبەك ەتكەن ريزا بەگيموۆا جينالعاندارعا جىلى لەبىزىن ءبىلدىردى.
- شقتۋ كىتاپحاناسى رەسپۋبليكا بويىنشا عىلىمي كىتاپحانالار ۇزدىگىنەن ەشقاشان تۇسپەگەن. بۇگىننەن باستاپ جاڭارتىلعان فورماتتا ءبىلىم الۋشىلارعا قىزمەت كورسەتپەك. زاماناۋي جابدىقتارمەن قامتاماسىز ەتىلىپ, جاستار ءۇشىن ىڭعايلى ەتىپ جاسالعان. «كىتاپحانا مەن كىتاپتارسىز وسكەلەڭ ۇرپاقتى تاربيەلەۋ مۇمكىن ەمەس دەپ» ەلباسىمىز دا ايتقان, – دەدى كىتاپحانا ارداگەرى ريزا بەگيموۆا.
ايتا كەتەرلىگى, كىتاپحاناعا وقىرماندار كوپ كەلەتىندىكتەن, اۋانى زارارسىزداندىرۋ ءۇشىن باكتەريتسيدتى شامدار قولدانىلماق.
