شىعىس قازاقستانداعى ارنايى پروكۋرورلار باسقارماسىنىڭ ۆەدومستۆوارالىق جەدەل-تەرگەۋ توبىنىڭ جۇمىستارى كەزىندە ەكسگۋماتسيا جاسالىپ, ەكى مارتە كوميسسيالىق سوت-مەديتسينالىق ساراپتاماسى جاسالدى. كوميسسيا قۇرامىنا بالالار ينفەكتسيونيستى, كارديولوگ, انەستەزيولوگ – رەانيماتولوگ, نەيروحيرۋرگ, پەدياتر, نۇر-سۇلتان قالاسىنان گيستولوگ ساراپشىلار جانە تاۋارلار مەن قىزمەتتەردىڭ قاۋىپسىزدىك ساپاسىن باقىلاۋ كوميتەتىنىڭ ماماندارى قاتىستى.
ساراپتاما قورىتىندىسىنا سايكەس, بالالاردىڭ ءولىمى وكپە فيبروزى, ەكى جاقتى ءىرىڭدى برونحولىق پنەۆمونيا سياقتى جاناما اۋرۋلاردىڭ سالدارىنان بولعان ەكەن.
سونداي-اق, ءۇش بالانىڭ مايىتىنەن دەنە جاراقاتتارى انىقتالعان. الايدا, مامانداردىڭ پىككىرىنشە, دەنە جاراقاتتارىنىڭ بالالار ولىمىنە قاتىسى جوق.
وسىعان بايلانىستى, اۋىر دەنە جاراقاتتارىن الۋ فاكتىسى بويىنشا قىلمىستىق ىستەردى ارى قاراي تەرگەۋ ءۇشىن پوليتسيا دەپارتامەنتىنە بەرىلدى.
ال ارنايى الەۋمەتتىك كومەك كورسەتۋ ورتالىعىندا تاربيەلەنۋشىلەرگە ءتيىستى مەديتسينالىق كومەك كورسەتپەۋ فاكتىسى بويىنشا قىلمىستىق ءىس ارنايى پروكۋرورلارمەن سوتقا جولدانعان.
ەستەرىڭىزگە سالا كەتسەك, وسىعان دەيىن اياگوزدەگى الەۋمەتتىك كومەك ورتالىعىندا 4 بالا قايتىس بولعان.
