قازاقستان پرەزيدەنتى نۇرسۇلتان نازارباەۆ بۇۇ باس حاتشىسىنىڭ ارنايى وكىلى, بۇۇ-نىڭ اۋعانستانعا كومەك كورسەتۋ جونىندەگى ميسسياسىنىڭ باسشىسى يان كۋبيشپەن كەزدەسۋ وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
قازاقستان پرەزيدەنتى نۇرسۇلتان نازارباەۆ بۇۇ باس حاتشىسىنىڭ ارنايى وكىلى, بۇۇ-نىڭ اۋعانستانعا كومەك كورسەتۋ جونىندەگى ميسسياسىنىڭ باسشىسى يان كۋبيشپەن كەزدەسۋ وتكىزدى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
كەزدەسۋ بارىسىندا قازاقستان مەن بۇۇ ىنتىماقتاستىعىنىڭ نەگىزگى باعىتتارى تالقىلاندى. اتاپ ايتقاندا, وڭىردەگى قاۋىپسىزدىكتى قامتاماسىز ەتۋدىڭ تەتىكتەرى, سونداي-اق اۋعانستان ەكونوميكاسىن قالپىنا كەلتىرۋ ماسەلەلەرى قارالدى.
مەملەكەت باسشىسى قازاقستاننىڭ اۋعانستاندى دامىتۋعا, سونىڭ ىشىندە اۋعان ستۋدەنتتەرىن وقىتۋعا باعىتتالعان ءتۇرلى جوبالاردى ىسكە اسىرۋ ارقىلى كومەك كورسەتۋدى جالعاستىرۋعا دايىن ەكەنىن اتاپ ءوتتى.
يا.كۋبيش نۇرسۇلتان نازارباەۆتى كەلەسى جىلعى ساۋىردە وتۋگە ءتيىس پرەزيدەنتتىك سايلاۋعا اۋعانستاننىڭ دايىندىعى بارىسى تۋرالى حاباردار ەتتى, سونداي-اق بۇۇ-نىڭ ەلدەگى احۋالدى تۇراقتاندىرۋ باعىتىندا كۇش-جىگەر جۇمساپ وتىرعانى تۋرالى دا ايتتى.
سۋرەتتەردى تۇسىرگەندەر
س.بوندارەنكو, ب.وتارباەۆ.
