ءبىلىم • 24 قاراشا، 2020

سولتۇستىك قازاقستاندا ءۇش مەكتەپ كارانتينگە جابىلدى

14 رەت كورسەتىلدى

سولتۇستىك قازاقستان وبلىسى ءۋاليحانوۆ اۋدانىنىڭ 14 وقۋشىسىندا كوروناۆيرۋس بەلگىلەرى انىقتالىپ، ءۇش مەكتەپتەگى وقۋ بارىسى ونلاين فورماتقا كوشىرىلدى، دەپ حابارلايدى Egemen.kz

بۇگىن سقو ءبىلىم باسقارماسىنىڭ باسشىسى گۇلميرا كارىموۆا وڭىرلىك كوممۋنيكاتسيالار قىزمەتىندەگى بريفينگىدە پاندەميا جاعدايىنداعى ءبىلىم بەرۋ ۇيىمدارىنىڭ جۇمىسى جايىندا ءمالىم ەتتى. گۇلميرا كارىموۆانىڭ ايتۋىنشا، قىركۇيەك ايىنان باستاپ سقو-دا 108 بالا قاۋىپتى ينفەكتسيانى جۇقتىرعان. ولاردىڭ 61-ءى شتاتتىق رەجىمدە، 47-ءسى قاشىقتان ءبىلىم العان. ال قاراشادا COVID-19 جۇقتىرعان وقۋشىلاردىڭ سانى كۇرت ارتقان.

"قاراشا ايىندا 68 وقۋشىدا كوروناۆيرۋس انىقتالدى. قازىرگى ۋاقىتتا 19 بالا ەم الىپ جاتىر. ونىڭ 14-ءى – ءۋاليحانوۆ اۋدانىنىڭ وقۋشىلارى. مۇندا تەك چەحوۆ ورتا مەكتەبىندە عانا ءبىر تاۋلىكتە 7 بالادان كۆي انىقتالدى. ولاردىڭ بارلىعى ينفەكتسيانى كۇزگى كانيكۋل ۋاقىتىندا، ۇيلەرىندە جۇقتىرعان. باسقا بالالارمەن بايلانىستا بولماسا دا ءبىز 90 وقۋشىسى بار بۇل مەكتەپتى ونلاين فورماتقا اۋىستىردىق"، دەيدى گۇلميرا كارىموۆا.

ءۋاليحانوۆ اۋدانىنىڭ ورتالىعى كىشكەنەكول اۋىلىنداعى №1، №2 ورتا مەكتەپتەر دە قاشىقتان وقۋعا كوشىرىلدى.

بۇل ەكى مەكتەپتە دە 7 بالادان كۆي انىقتالعان. ولار ءبىر سىنىپتىڭ وقۋشىلارى ەمەس جانە بۇل بالالار دا ينفەكتسيانى كانيكۋل ۋاقىتىندا وتباسىندا جۇقتىرعان.

"قازىرگى ۋاقىتتا اققايىڭ اۋدانىندا ءبىر وقۋشى، پەتروپاۆل قالاسىندا ەكى وقۋشى اۋىرىپ جاتىر. ولاردىڭ بارلىعى كارانتيندە وتىر. ال مەكتەپتەر كارانتينگە جابىلمايدى، تەك قانا بۇل مەكتەپتەردە وقۋ فورماتى وزگەرەدى، ياعني شتاتتىق رەجيمنەن قاشىقتان وقۋعا كوشىرىلەدى"، دەيدى سقو ءبىلىم باسقارماسىنىڭ باسشىسى.

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

ۇقساس جاڭالىقتار