وقيعا • 05 جەلتوقسان، 2020

ۆولونتەرلەر جاس وتباسىنا ءۇي تاۋىپ بەردى

28 رەت كورسەتىلدى

قايىرىمدىلىق ماقساتىندا قۇرىلعان پاۆلودارلىق «كلۋب دوبرياكوۆ» توبى تەرەڭكول اۋدانىنداعى پەسچانوە اۋىلىنداعى بوس قالعان ءۇيدى مۇقتاج وتباسىنا تەگىن بەرەتىنىن جاريالادى. حابارلاندىرۋدان كەيىن توپ وكىلدەرىنە ءوتىنىش بىلدىرگەن، جاعدايىن ايتىپ كەلگەن وتباسىلار ءاپ-ساتتە تابىلا كەتتى.

 

ءۇي يەسى گالينا دميتريەۆا اجەسى وتىز جىل تۇرعان ءۇيى بوس قا­لىپ، يە بولار جاڭا وتباسى ىزدەيدى. «بۇل ۇيگە وتباسىمىز 1991 جىلى كوشىپ كەلدى. مۇندا ءۇش ۇرپاق ءوسىپ-ءوندى. جاز سايىن اجەمىزگە دەمالىسقا كەلەتىنبىز. ەرەكشە ەستەلىككە تولى ءۇي. وسى ۇي­دە وتباسىمىز تۇگەلدەي جي­نالا­تىن. باقشادا جەمىس تە­رىپ، كەشكە سونى ءبارىمىز جەي­تىنبىز. بۇل ۇيدە ەڭبەك ەتۋ­دى ۇيرەندىك. بۇل مەكەن – با­لالىق شاعىمىزدىڭ كۋاسى. جاز­دا اجەم باقيلىق بولىپ، ءۇي بوس قالدى. ەندى وسى قۇتتى ءۇيدى مۇقتاج وتباسىنا بەرسەك دەگەن نيەت پايدا بولدى»، دەيدى گالينا.

ءۇي يەسىنىڭ ايتۋىنشا، بۇل حابارلاندىرۋعا دەيىن پاتەر ءبىر وتباسىنا سىيلانىپتى. ولار تەك كوممۋنالدىق قىزمەتىن تولەپ تۇرسا دەگەن كەلىسىم بولعان. الاي­دا جاڭا وتباسى مارقۇم اجەي­دىڭ زاتتارىن ساتىپ، وعان قوسا كوم­مۋنالدىق قىزمەتتەرى ءۇشىن بەرەشەگىن وتەمەگەن. «ولار­مەن قوشتاسۋعا تۋرا كەلدى. ءبىز شى­نىمەن مۇقتاج، الايدا جاۋاپتى، جاقسى وتباسىن ىزدەيمىز. وت­باسىمىزبەن قالا­داعى «كلۋب دوبرياكوۆقا» حابارلاسۋدى ءجون كوردىك. ويتكەنى ەستەلىككە تولى ءۇيدى جاقسى وتباسىنا سەنىپ تاپ­سىرعىمىز كەلدى»، دەيدى ول.

ەرىكتىلەر دە اماناتقا قيا­نات قىل­ماي، وتباسىلاردى ىرىك­تەۋگە كوشىپتى. «ون شاق­تى وتباسى حابارلاستى. ار­قايسىسىنىڭ ءوز وقيعاسى بار. جالپى، ۇيدە بارلىق جاعداي بار. ۇلكەن ءۇش بولمە، كەڭ اۋلا، باقشا مەن مونشا دا بار. اۋىلدا جۇمىس تا تا­بى­­لادى دەپ وي­لايمىز. ءۇي ور­تالىقتا، اكىمدىك جاقىن. ەرتىس تە جانىندا. ەبىن تابامىن دەگەن ادامعا مۇمكىندىك بار. باقشاسىنىڭ ءوزى ۇلكەن»، دەيدى قور جەتەكشىلەرى.

اۋدان ورتالىعىنان 20 شا­­­قىرىم جەردە، ەرتىس بو­يىن­­داعى ۇيگە ەكى قىز تار­بيەلەپ وتىرعان جاس وت­باسى يە بولدى. قاميتوۆتەر بەس جىل بۇرىن وتاۋ قۇرعان. قاي­روللا مەن راۋشاننىڭ بۇ­گىندە ەكى قىزى بار. ءبىردى بىر­گە جالعاپ كەلگەن جاس وتباسى جاڭا ۇيگە ۇلكەن ۇمىت­پەن كوش­تى. ۆولونتەرلەر ولارعا كو­شۋگە جاردەمدەسىپ، قىستا قي­نالماسىن دەپ 1 توننا كومىر ءتۇسىرىپ بەرگەن.

ء«ۇيدى بىزگە بەرەتىنىن ەس­تىگەندە قاتتى قۋاندىق. ال­عاشىندا سەن­بەدىك تە. قات­تى قوبالجىپ، نە ىستەپ، نە قوي­عانىمدى ۇمىتىپ قال­­دىم. كوشەر كۇندى اسىعا كۇت­تىك. قىزدارىمىزدىڭ قۋانى­شىن­­دا شەك جوق. مۇنداي سىي­لىق­قا راحمەت! ۆولونتەرلەر كوشۋگە كومەكتەستى. گالي­نا­نىڭ وزىمەن كەزدەسىپ، تا­نىس­تىق. ول ءبىزدى ۇيگە ءوزى الىپ باردى. ەندى ءبىزدىڭ دە ءوز ءۇيىمىز بار. ەندى ءبارى جاق­سى بولادى»، دەيدى راۋشان قا­­ميتوۆا.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار