"وڭىردە كوروناۆيرۋس ينفەكتسياسىنىڭ تارالۋىنا بايلانىستى كۇردەلى جاعداي ساقتالىپ وتىر. COVID-19 العاشقى وقيعاسى تىركەلگەن ساتتەن باستاپ, 14 402 جۇقتىرۋ جاعدايى تىركەلدى. وبلىس اۋرۋحانالارىندا بۇگىن 659 ادام جاتىر. اپتاسىنا ورتاشا ءوسۋ قارقىنى 1,7 پايىزدى قۇرايدى", دەدى دانيال احمەتوۆ.
سونىمەن قاتار ول وقۋشىلاردىڭ ىندەتكە شالدىعۋ جاعدايىنا قاتىستى توقتالدى.
"وكىنىشكە قاراي, وقۋ باستالعاننان بەرى وبلىستا وقۋشىلار اراسىندا كوروناۆيرۋستىڭ 410 وقيعاسى تىركەلدى. ونىڭ ىشىندە 291 وقۋشى قاشىقتان, 119 وقۋشى 93 مەكتەپتە شتاتتىق رەجىمدە وقىدى. ىندەت تابىلعاننان كەيىن بارلىق مەكتەپتەر جابىلىپ, وقۋشىلار قاشىقتان وقىتۋعا اۋىستىرىلدى. ۆيرۋس كوبىنەسە ءۇي جاعدايىندا جۇققان. بۇگىنگى تاڭدا وبلىس اۋرۋحانالارىندا وقۋشىلار جوق", دەدى ءوڭىر باسشىسى.
وبلىس اكىمىنىڭ ايتۋىنشا, تولىق مەديتسينالىق جابدىقتالعان 6,2 مىڭ توسەك-ورىن دايىندالدى. ينفەكتسيالىق بولىمدەردەگى ەمدەلۋشىلەر وكسيگەنوتەراپيامەن ءجۇز پايىز قامتاماسىز ەتىلگەن.
ەستەرىڭىزگە سالا كەتەيىك, شىعىس قازاقستان وبلىسى كوروناۆيرۋس جۇقتىرۋ جاعدايلارى بويىنشا "قىزىل ايماققا" ەنگەن.
