2013 جىلعى 5 قىركۇيەك, استانا, ۇكىمەت ءۇيى
تۋ تۋرالى كۋالىكتى رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ قاعيدالارىن بەكىتۋ تۋرالى
«جەكە باستى كۋالاندىراتىن قۇجاتتار تۋرالى» 2013 جىلعى 29 قاڭتارداعى قازاقستان رەسپۋبليكاسى زاڭىنىڭ 25-بابىنىڭ 1) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان تۋ تۋرالى كۋالىكتى رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
قازاقستان رەسپۋبليكاسى ۇكىمەتىنىڭ 2013 جىلعى 5 قىركۇيەكتەگى № 929 قاۋلىسىمەن بەكىتىلگەن
تۋ تۋرالى كۋالىكتى رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ قاعيدالارى
1. جالپى ەرەجەلەر
1. تۋ تۋرالى كۋالىكتى رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ قاعيدالارى (بۇدان ءارى - قاعيدالار) «جەكە باستى كۋالاندىراتىن قۇجاتتار تۋرالى» 2013 جىلعى 29 قاڭتارداعى قازاقستان رەسپۋبليكاسى زاڭىنىڭ 25-بابىنىڭ 1) تارماقشاسىنا سايكەس ازىرلەندى جانە تۋ تۋرالى كۋالىكتى رەسىمدەۋ, بەرۋ, اۋىستىرۋ, تاپسىرۋ, الىپ قويۋ جانە جويۋ ءتارتىبىن بەلگىلەيدى.
2. تۋ تۋرالى كۋالىك – جەكە تۇلعانىڭ جەكە باسىن, ونىڭ تۋ فاكتىسىنىڭ مەملەكەتتىك تىركەلگەنى تۋرالى كۋالاندىراتىن قۇجات.
تۋ تۋرالى كۋالىك مىناداي قۇجاتتاردىڭ ءبىرىن – قازاقستان رەسپۋبليكاسى ازاماتىنىڭ جەكە كۋالىگىن, قازاقستان رەسپۋبليكاسى ازاماتىنىڭ پاسپورتىن, ازاماتتىعى جوق ادامنىڭ كۋالىگىن نە شەتەلدىك پاسپورتتى العانعا دەيىن جەكە تۇلعانىڭ جەكە باسىن كۋالاندىراتىن قۇجات بولىپ تابىلادى.
2. تۋ تۋرالى كۋالىكتى رەسىمدەۋ جانە بەرۋ ءتارتىبى
3.تۋ تۋرالى كۋالىكتى قازاقستان رەسپۋبليكاسى ادىلەت مينيسترلىگىنىڭ اۋماقتىق ورگاندارى (بۇدان ءارى – تىركەۋشى ورگاندار) رەسىمدەيدى جانە بەرەدى.
4. تىركەۋشى ورگاندار جوق جەرگىلىكتى جەرلەردە اۋىل (سەلو), كەنت, اۋىلدىق (سەلولىق) وكرۋگ اكىمى وزدەرىنىڭ اۋماعىندا تۋعان بالالاردىڭ تۋىن تىركەۋگە ارنالعان قۇجاتتاردى قابىلداۋدى جۇرگىزەدى جانە تۋ تۋرالى كۋالىكتى رەسىمدەۋ, بەرۋ جانە تاپسىرۋ ءۇشىن ولاردى تىركەۋشى ورگاندارعا بەرەدى.
5. تۋ تۋرالى كۋالىكتى رەسىمدەۋدى اتا-انالارىنىڭ نەمەسە مۇددەلى تۇلعالاردىڭ ءوتىنىشى نەگىزىندە اتا-انالارىنىڭ نەمەسە ولاردىڭ ءبىرىنىڭ تۇرعىلىقتى جەرى بويىنشا نە بالانىڭ تۋعان جەرى بويىنشا تىركەۋشى ورگاندار جۇزەگە اسىرادى.
6. تۋ تۋرالى كۋالىكتى رەسىمدەۋ ءۇشىن مىناداي قۇجاتتار ۇسىنىلادى:
1) قازاقستان رەسپۋبليكاسى ادىلەت مينيسترلىگى بەلگىلەگەن نىسان بويىنشا ءوتىنىش;
2) اتا-انالارىنىڭ جەكە باسىن كۋالاندىراتىن قۇجاتتاردىڭ كوشىرمەلەرى;
3) 2008 جىلعا دەيىنگى نەكە قيۋدى تىركەگەن تۇلعالار ءۇشىن اتا-انالارىنىڭ نەكە قيۋ (ەرلى-زايىپتىلىق) تۋرالى كۋالىگىنىڭ كوشىرمەسى (بولعان جاعدايدا);
4) تۋ تۋرالى مەديتسينالىق كۋالىك نەمەسە تۋ فاكتىسىن بەلگىلەۋ تۋرالى سوت شەشىمىنىڭ كوشىرمەسى;
5) اتا-انالارىنىڭ نەمەسە مۇددەلى تۇلعالاردىڭ ءوتىنىش بەرۋ مۇمكىندىگى بولماعان جاعدايدا وكىلدىڭ وكىلەتتىگىن راستايتىن قۇجات.
ءبىر جاسقا تولعان جانە ودان ۇلكەن بالانىڭ تۋىن مەملەكەتتىك تىركەۋ جاعدايىندا:
1) اتا-انالارىنىڭ تۇسىنىكتەمەسى;
2) تۋ تۋرالى مەديتسينالىق كۋالىك;
3) ءتيىستى اكىمشىلىك-اۋماقتىق بىرلىكتىڭ تىركەۋشى ورگانىنىڭ تۋ تۋرالى اكت جازباسىنىڭ بولماۋى تۋرالى حابارلاماسى;
4) تۇرعىلىقتى جەرى بويىنشا بالانىڭ دەنساۋلىق جاعدايى تۋرالى انىقتاما ۇسىنىلادى.
7. بالانىڭ تۋىن مەملەكەتتىك تiركەۋگە ءوتىنىشتى اتا-انالارى (نەمەسە ولاردىڭ بiرi) ول تۋعان كۇنىنەن باستاپ ەكى ايدان كەشىكتىرمەي بەرەدى, ال ولار قايتىس بولعان, ناۋقاستانعان نەمەسە وزگە دە سەبەپتەرمەن ءوتىنىش جاساۋعا مۇمكiندىگى بولماعان جاعدايدا – مۇددەلi تۇلعالار نەمەسە بالا تۋعان كەزدە اناسى جاتقان مەديتسينالىق ۇيىمنىڭ اكiمشiلiگi جازباشا نىساندا بەرەدi.
8. ەگەر بالانىڭ تۋىن مەملەكەتتىك تىركەۋگە اتا-انالارى ەمەس, باسقا ادامدار ءوتىنىش جاساسا, وندا وسى ادامدار ءوتىنىش بەرۋشىنىڭ جەكە باسىن كۋالاندىراتىن قۇجاتتى, سونداي-اق بالانىڭ تۋىن تىركەۋگە وكىلەتتىگىن راستايتىن قۇجاتتى ۇسىنادى.
9. بالا ءولى تۋعان جاعدايدا, مەديتسينالىق ۇيىمنىڭ جاۋاپتى لاۋازىمدى ادامى پەريناتالدىق ءولىم تۋرالى مەديتسينالىق كۋالىكتىڭ نەگىزىندە ونىڭ تۋ فاكتىسى تۋرالى تىركەۋگە ءوتىنىشتى بوسانعان ساتتەن باستاپ بەس تاۋلىكتەن كەشىكتىرمەي بەرەدى.
10. ەكى نەمەسە ودان دا كوپ بالانى مەملەكەتتىك تىركەۋ كەزىندە ءوتىنىش ارقايسىسىنا قاتىستى بولەك بەرىلەدى.
11. تاۋىپ الىنعان, تاستاندى (باس تارتىلعان) بالانىڭ تۋى ىشكى ىستەر ورگاندارىنىڭ, قورعانشىلىق نەمەسە قامقورشىلىق جونىندەگى فۋنكتسيالاردى جۇزەگە اسىراتىن ورگاننىڭ, بالا ورنالاستىرىلعان ءبىلىم بەرۋ ۇيىمى نەمەسە مەديتسينالىق ۇيىمى اكىمشىلىگىنىڭ ءوتىنىشى بويىنشا تاۋىپ الىنعان, باس تارتىلعان نەمەسە قالدىرىلعان كۇنىنەن باستاپ جەتى تاۋلىكتەن كەشىكتىرىلمەي تىركەلەدى.
وتىنىشكە بالا تاۋىپ الىنعان كەزدەگى ۋاقىت, ورنى جانە ءمان-جايلار كورسەتىلە وتىرىپ, ىشكى ىستەر ورگانى نەمەسە قورعانشىلىق نەمەسە قامقورشىلىق جونىندەگى فۋنكتسيالاردى جۇزەگە اسىراتىن ورگان جاساعان حاتتاما نەمەسە اكتى; تاۋىپ الىنعان بالانىڭ جاسى مەن جىنىسىن راستايتىن مەديتسينالىق ۇيىم بەرگەن قۇجات جانە بالا تۋرالى باسقا دا دەربەس مالىمەتتەر قوسا بەرىلەدى.
12. بالانى بەلگىسىز انا قالدىرىپ كەتكەن جاعدايدا مەديتسينالىق ۇيىمنىڭ اكىمشىلىگى ەكى كۋانىڭ قاتىسۋىمەن حاتتاما جاسايدى. تۋدى مەملەكەتتىك تىركەۋ كەزىندە حاتتامالار تاستاندى (باس تارتىلعان) بالانى تىركەۋ تۋرالى مەديتسينالىق ۇيىمنىڭ لاۋازىمدى ادامىنىڭ وتىنىشىنە قوسا بەرىلەدى.
13. نەكەدە تۇرعان (ەرلى-زايىپتى بولعان) كەزدە بويعا بىتكەن جانە اكەسى قايتىس بولعاننان كەيىن نەمەسە نەكە (ەرلى-زايىپتىلىق) بۇزىلعاننان كەيىن نە نەكە (ەرلى-زايىپتىلىق) جارامسىز دەپ تانىلعاننان كەيىن تۋعان بالانىڭ تۋىن مەملەكەتتىك تىركەۋ, ەگەر اكەسى قايتىس بولعان نەمەسە نەكە (ەرلى-زايىپتىلىق) بۇزىلعان نە ول جارامسىز دەپ تانىلعان كۇننەن باستاپ ەكى ءجۇز سەكسەن كۇننەن اسپاسا, جالپى نەگىزدە جۇرگىزىلەدى.
14. ءبىر جاسقا تولعان جانە ودان ۇلكەن بالانىڭ تۋىن مەملەكەتتىك تىركەۋ مەديتسينالىق ۇيىم نەمەسە جەكە دارىگەرلىك پراكتيكامەن اينالىساتىن دارiگەر بەرگەن بەلگىلەنگەن نىسانداعى تۋ تۋرالى قۇجاتى بولعان كەزدە اتا-انالارىنىڭ نەمەسە وزگە دە مۇددەلى تۇلعالاردىڭ جازباشا ءوتىنىشى بويىنشا تىركەۋشى ورگان جاساعان قورىتىندى نەگىزىندە جۇرگىزىلەدى.
15. قازاقستان رەسپۋبليكاسىنىڭ شەگىنەن تىس جەرلەردە تۋعان بالانىڭ تۋىن مەملەكەتتىك تىركەۋ قازاقستان رەسپۋبليكاسىنىڭ ديپلوماتيالىق وكىلدىكتەرى مەن كونسۋلدىق مەكەمەلەرىندە نە اتا-انالارىنىڭ نەمەسە ولاردىڭ ءبىرىنىڭ تۇرعىلىقتى جەرى بويىنشا تىركەۋشى ورگاندا جۇرگىزىلەدى. بالانىڭ تۋىن اتا-انالارىنىڭ نە ولاردىڭ ءبىرىنىڭ تۇرعىلىقتى جەرى بويىنشا مەملەكەتتىك تىركەۋگە العان جاعدايدا, وسى ەلدى مەكەن بالانىڭ تۋعان جەرى بولىپ كورسەتىلەدى.
16. ەكسپەديتسيالاردا جانە تىركەۋشى ورگان جوق شالعاي جەرلەردە, سونداي-اق اناسىنىڭ تەڭىز, وزەن, اۋە كەمەسىندە نەمەسە پوەزدا بولعان ۋاقىتىندا تۋعان بالانىڭ تۋىن مەملەكەتتىك تىركەۋ اتا-انالارىنىڭ نەمەسە ولار تۇرعىلىقتى جەرىنە قايتىپ كەلگەن سوڭ ولاردىڭ ءبىرىنىڭ تۇرعىلىقتى جەرى بويىنشا تىركەۋشى ورگاندا جۇرگىزىلەدى.
مۇنداي جاعدايلاردا بالانىڭ تۋعان جەرى بولىپ بالانىڭ تۋىن مەملەكەتتىك تىركەۋ جۇرگىزىلەتىن اكىمشىلىك-اۋماقتىق بىرلىك كورسەتىلەدى.
17. ءبىر-بىرىمەن نەكەدە تۇرعان (ەرلى-زايىپتى بولعان) اكەسى مەن اناسى تۋ تۋرالى جازبالار كىتابىنا ولاردىڭ كەز كەلگەنىنىڭ ءوتىنىشى بويىنشا بالانىڭ اتا-انالارى بولىپ جازىلادى. مۇنداي جازباعا نەكە قيۋ (ەرلى-زايىپتى بولۋ) تۋرالى كۋالىك نەگىز بولىپ تابىلادى.
18. نەكەدە تۇرعان (ەرلى-زايىپتى بولعان) جانە قوسالقى رەپرودۋكتيۆتىك ادىستەر مەن تەحنولوگيالاردى قولدانۋعا ءوز كەلىسىمىن جازباشا نىساندا بەرگەن ادامدار, وسى ادىستەردى قولدانۋ ناتيجەسىندە وزدەرىندە بالا تۋىلعان جاعدايدا تۋ تۋرالى اكتىلەر جازباسىنىڭ كىتابىنا ونىڭ اتا-انالارى بولىپ جازىلادى.
سۋرروگات انا بولۋ شارتىنا سايكەس بالا تۋىلعان جاعدايدا, ەرلى-زايىپتىلار تۋ تۋرالى اكتىلەر جازباسىنىڭ كىتابىنا ونىڭ اتا-انالارى بولىپ جازىلادى.
19. بالا تۋدى تىركەۋ كەزىندە, ەگەر اتا-انالارىنىڭ اراسىندا نەكە (ەرلى-زايىپتىلىق) بۇزىلعان, ونى سوت جارامسىز دەپ تانىعان نەمەسە جۇبايى قايتىس بولعان جاعدايدا, بىراق نەكە (ەرلى-زايىپتىلىق) بۇزىلعان, ونى جارامسىز دەپ تانىعان نەمەسە جۇبايى قايتىس بولعان كەزدەن باستاپ ەكى ءجۇز سەكسەن كۇننەن اسپاسا, اناسى تۋرالى مالىمەتتەر تۋ تۋرالى مەديتسينالىق كۋالىكتىڭ نەمەسە تۋ فاكتىسىن بەلگىلەۋ تۋرالى سوت شەشىمىنىڭ كوشىرمەسى نەگىزىندە, بالانىڭ اكەسى تۋرالى مالىمەتتەر نەكە قيۋ (ەرلى-زايىپتى بولۋ) نەمەسە ونى بۇزۋ تۋرالى كۋالىكتىڭ, اكەسىنىڭ قايتىس بولۋى تۋرالى كۋالىكتىڭ نەگىزىندە ەنگىزىلەدى.
20. ەگەر بالا نەكە (ەرلى-زايىپتىلىق) بۇزىلعان, ونى جارامسىز دەپ تانىعان كۇننەن باستاپ ەكى ءجۇز سەكسەن كۇن وتكەننەن كەيىن تۋسا, بۇرىنعى جۇبايى اكە بولۋدى انىقتاۋ تۋرالى اكتىلىك جازبانىڭ نەگىزىندە عانا بالانىڭ اكەسى بولىپ جازىلۋى مۇمكىن.
21. بوسانعان ايەلدىڭ جۇبايى بولىپ تابىلمايتىن ادام جازباشا مويىنداعان جاعدايدا جانە ونىڭ كۇيەۋىنىڭ جازباشا كەلىسىمى بولعان كەزدە اكە بولۋدى انىقتاۋدى تىركەۋ جانە تۋدى تىركەۋ كەزىندە بالانىڭ اكەسى بولىپ وسى ادام جازىلادى.
22. ەگەر بالانىڭ اتا-انالارى ءوزارا نەكەدە تۇرماعان (ەرلى-زايىپتى بولماعان) جاعدايدا, اناسى تۋرالى مالىمەتتەر تۋ تۋرالى مەديتسينالىق كۋالىكتىڭ نەمەسە تۋ فاكتىسىن بەلگىلەۋ تۋرالى سوت شەشىمىنىڭ كوشىرمەسى نەگىزىندە ەنگىزىلەدى.
مۇنداي جاعدايدا اكەسى تۋرالى مالىمەتتەر:
1) ەگەر بالانىڭ تۋىن مەملەكەتتىك تىركەۋمەن ءبىر مەزگىلدە اكە بولۋ بەلگىلەنەتىن جانە تىركەلەتىن جاعدايدا, اكە بولۋدى بەلگىلەۋ تۋرالى اكتىلىك جازبانىڭ نەگىزىندە;
2) ەگەر اكەسى انىقتالماسا, نەكەدە تۇرماعان (ەرلى-زايىپتى بولماعان) اناسىنىڭ ءوتىنىشى بويىنشا.
بالانىڭ اكەسى تۋرالى مالىمەتتەر اناسىنىڭ تىلەگى بويىنشا تۋ تۋرالى اكتىنىڭ جازباسىنا ەنگىزىلمەۋى مۇمكىن;
3) ءوزىن بالانىڭ اكەسىمىن دەپ مويىنداعان ادامنىڭ ءوتىنىشى بويىنشا, وعان بالانىڭ اناسىنىڭ كەلىسىمى بولعان كەزدە ەنگىزىلەدى.
23. ەگەر تۋدى تىركەۋ كەزىندە ءوتىنىش بەرۋشى اتا-انالارىنىڭ قاي ۇلتقا جاتاتىنىن كورسەتۋگە نيەت بىلدىرسە, وندا بالانىڭ تۋ تۋرالى اكتىنىڭ جازباسىندا اتا-انالارىنىڭ – قازاقستان رەسپۋبليكاسى ازاماتتارىنىڭ ۇلتى قازاقستان رەسپۋبليكاسى ازاماتتارىنىڭ جەكە باسىن كۋالاندىراتىن قۇجاتتاردا كورسەتىلگەن ۇلتىنا سايكەس كورسەتىلەدى.
شەتەلدىك بولىپ تابىلاتىن اتا-اناسىنىڭ قاي ۇلتقا جاتاتىنى تۋرالى مالىمەتتەر ونىڭ شەتەلدىك پاسپورتىنا سايكەس كورسەتىلەدى.
شەتەلدىكتىڭ شەتەلدىك پاسپورتىندا ۇلتى تۋرالى مالىمەتتەر بولماعان كەزدە, سوڭعىسى ءوزى ازاماتى بولىپ تابىلاتىن شەت مەملەكەتتىڭ قۇزىرەتتى ورگانى بەرگەن قۇجاتقا سايكەس ايقىندالۋى مۇمكىن.
24. بالانى تۋدى مەملەكەتتىك تىركەۋگە تۇسكەن قۇجاتتاردى تەكسەرگەننەن كەيىن بالانىڭ تۋىن تىركەۋ تۋرالى مالىمەتتەر «ازاماتتىق حال اكتىلەرىن جازۋ» اقپاراتتىق جۇيەسىنە (ودان ءارى – احاج اج) ەنگىزىلەدى.
25. احاج اج-دا بالانىڭ تۋى مەملەكەتتىك تىركەلگەننەن كەيىن اكتىلىك جازبا ەكى دانادا باسىپ شىعارىلادى جانە تۋ تۋرالى كۋالىك قالىپتاستىرىلادى. تۋ تۋرالى اكتىلىك جازبانىڭ نەگىزىندە تۋ تۋرالى كۋالىك رەسىمدەلەدى.
26. قازاقستان رەسپۋبليكاسىنىڭ شەگىنەن تىس جەرلەردە تۋعان بالانى مەملەكەتتىك تىركەۋدەن كەيىن قازاقستان رەسپۋبليكاسىنىڭ ديپلوماتيالىق وكىلدىكتەرى مەن كونسۋلدىق مەكەمەلەرىنىڭ وكىلى تۋ تۋرالى كۋالىكتى رەسىمدەيدى.
27. تۋ تۋرالى كۋالىك قازاق جانە ورىس تىلدەرىندە تولتىرىلادى.
28. بالانىڭ اتا-انالارى تۋرالى مالىمەتتەر ولاردىڭ جەكە باسىن كۋالاندىراتىن قۇجاتتارعا سايكەس تولتىرىلادى.
مەملەكەتتىك تىركەۋ ساتىندە دالەلدى سەبەپ بويىنشا اتا-انالارىنىڭ جەكە باسىن كۋالاندىراتىن قۇجاتتارى بولماعان جاعدايدا, اتا-اناسى تۋرالى مالىمەتتەر نەكە قيۋ (ەرلى-زايىپتى بولۋ) تۋرالى كۋالىككە نە وسى تىركەۋشى ورگانداعى نەكە قيۋ (ەرلى-زايىپتى بولۋ) تۋرالى اكتىلىك جازباعا سايكەس تولتىرىلادى.
29. تۋ تۋرالى كۋالىك مىناداي مالىمەتتەردى:
1) بالانىڭ تەگىن, اتىن, اكەسىنىڭ اتىن (ەگەر ول بولعان جاعدايدا), تۋعان كۇنى مەن جەرىن;
2) اكتىلىك جازبانىڭ جاسالعان كۇنى مەن ءنومىرىن;
3) جەكە سايكەستەندىرۋ ءنومىرىن;
4) اتا-انالارىنىڭ تەكتەرىن, اتتارىن, اكەلەرىنىڭ اتتارىن (ەگەر ولار بولعان جاعدايدا), ەگەر جەكە باسىن كۋالاندىراتىن قۇجاتتاردا كورسەتىلگەن بولسا, ۇلتىن;
5) اتا-انالارىنىڭ ازاماتتىعىن;
6) مەملەكەتتىك تىركەۋ ورنىن (تىركەۋشى ورگاننىڭ اتاۋىن);
7) تۋ تۋرالى كۋالىكتىڭ بەرىلگەن كۇنىن قامتيدى.
30. تۋ تۋرالى كۋالىكتىڭ نىسانى «ازاماتتىق حال اكتىلەرىن مەملەكەتتىك تىركەۋ اكتىسى كىتاپتارىنىڭ نىساندارىن جانە وسى كىتاپتارداعى جازبالاردىڭ نەگىزىندە بەرىلەتىن كۋالىكتەردىڭ نىساندارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 19 ساۋىردەگى № 498 قاۋلىسىمەن بەكىتىلگەن.
31. تۋ تۋرالى كۋالىككە تىركەۋشى ورگاننىڭ باسشىسى قول قويادى جانە ول تىركەۋشى ورگاننىڭ ەلتاڭبالى مورىمەن بەكىتىلەدى.
32. تۋ تۋرالى كۋالىك رەسىمدەلگەن سوڭ جاڭا تۋعان بالانىڭ اتا-انالارىنا, باسقا ۋاكىلەتتى ادامدارعا نەمەسە بالا تۇراتىن ۇيىمنىڭ وكىلدەرىنە تۋ تۋرالى كۋالىك بەرىلەدى.
33. ەكى نەمەسە ودان دا كوپ بالا تۋعان جاعدايدا تۋ تۋرالى كۋالىك ءاربىر بالاعا بەرىلەدى.
34. ءولى تۋعان بالاعا تۋ تۋرالى كۋالىك بەرىلمەيدى. اتا-اناسىنىڭ ءوتىنىشى بويىنشا ءولى تۋعان بالانى مەملەكەتتىك تىركەۋ فاكتىسىن راستايتىن قۇجات بەرىلەدى.
35. تۋ تۋرالى كۋالىكتەر وسى قاعيدالاردىڭ 6-تارماعىندا كورسەتىلگەن قاجەتتى قۇجاتتار تىركەۋشى ورگانعا تۇسكەن كۇنىنەن باستاپ ەكى جۇمىس كۇنى ىشىندە بەرىلەدى.
3. تۋ تۋرالى كۋالىكتەردى اۋىستىرۋ, تاپسىرۋ, الىپ قويۋ جانە جويۋ ءتارتىبى
36. باستاپقى تۋ تۋرالى كۋالىك جوعالعان, پايدالانۋعا جارامسىز بولعان جانە وسى قاعيدالاردىڭ 29-تارماعىنىڭ 1) جانە 6) تارماقشالارىندا كورسەتىلگەن دەرەكتەردى سايكەستەندىرۋ مۇمكىن بولماعان جاعدايدا, سونداي-اق ەنگىزىلگەن وزگەرىستەرگە, تولىقتىرۋلارعا جانە تۇزەتۋلەرگە بايلانىستى مۇراعات اكتىسى جازباسىنىڭ نەگىزىندە تىركەۋشى ورگان ءوتىنىش بەرۋشىلەردىڭ تۇرعىلىقتى جەرى بويىنشا تۋ تۋرالى قايتالاما كۋالىك بەرەدى.
37. تۋ تۋرالى قايتالاما كۋالىك الۋ ءۇشىن ولارعا قاتىستى ازاماتتىق حال اكتىلەرىن تىركەۋ تۋرالى جازبا جاسالعان تۇلعالار نەمەسە ولاردىڭ ۋاكىلەتتى وكىلدەرى مىناداي قۇجاتتاردى:
1) تۋ تۋرالى قايتالاما كۋالىك بەرۋ تۋرالى ءوتىنىشتى;
2) ءوتىنىش بەرۋشىنىڭ جەكە باسىن كۋالاندىراتىن قۇجاتتىڭ كوشىرمەسىن;
3) بيۋدجەتكە مەملەكەتتىك باج تولەگەنىن راستايتىن قۇجاتتى, مىناداي تۇلعالاردى قوسپاعاندا:
ۇلى وتان سوعىسىنا قاتىسۋشىلار جانە ولارعا تەڭەستiرiلگەن ادامدار, ۇلى وتان سوعىسى جىلدارى تىلداعى جانقيارلىق ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالعان ادامدار, 1941 جىلعى 22 ماۋسىم مەن 1945 جىلعى 9 مامىر ارالىعىندا كەمىندە التى اي جۇمىس ىستەگەن (قىزمەت ەتكەن) جانە ۇلى وتان سوعىسى جىلدارى تىلداعى جانقيارلىق ەڭبەگى مەن ءمىنسىز اسكەري قىزمەتى ءۇشىن بۇرىنعى كسر وداعىنىڭ وردەندەرىمەن جانە مەدالدارىمەن ناگرادتالماعان ادامدار, مۇگەدەكتەر, سونداي-اق بالا جاستان مۇگەدەكتەردىڭ اتا-انالارىنىڭ ءبىرى, قورعانشىلار (قامقورشىلار), مەملەكەتتiك ۇيىمدار – تۋى تۋرالى كۋالiكتەردىڭ تiركەلگەنi جانە قايتالاپ بەرىلگەنi ءۇشىن;
جەكە تۇلعالار – ازاماتتىق حال اكتiلەرiن تiركەۋ كەزiندە جiبەرiلگەن قاتەلەرگە بايلانىستى تۋ, قايتىس بولۋ تۋرالى, اكە بولۋدى بەلگىلەۋ, بالا اسىراپ الۋ تۋرالى اكتiلەر جازبالارى وزگەرتىلگەن, تولىقتىرىلعان, قالپىنا كەلتىرىلگەن جانە تۇزەتiلگەن كەزدە وزدەرىنە كۋالiكتەر بەرىلگەنi ءۇشiن;
جەكە تۇلعالار – تۋىستارىنىڭ قايتىس بولۋى تۋرالى وزدەرىنە قايتالاپ نەمەسە بۇرىن بەرiلگەن كۋالiكتەر الماستىرىلىپ بەرiلگەنi ءۇشiن;
جەكە تۇلعالار – بالا اسىراپ الۋعا جانە اكە بولۋدى بەلگىلەۋگە بايلانىستى تۋى تۋرالى كۋالىك قايتالاپ بەرىلگەنى ءۇشىن.
3) تارماقشانىڭ ەكىنشى ابزاتسىندا كورسەتىلگەن تۇلعالار مەملەكەتتىك باج تولەۋدەن بوساتۋعا نەگىز بولاتىن قۇجاتتى;
4) وكىلدىڭ ۋاكىلەتتىگىن راستايتىن قۇجاتتى ۇسىنادى.
38. تۋ تۋرالى قايتالاما كۋالىك تىركەۋشى ورگانعا قاجەتتى قۇجاتتار تۇسكەن ساتتەن باستاپ كۇنتىزبەلىك بەس كۇن ىشىندە بەرىلەدى.
باستاپقى تۋ تۋرالى كۋالىك بەرىلگەن باسقا تىركەۋشى ورگانعا سۇرانىس جىبەرىلگەن كەزدە تۋ تۋرالى قايتالاما كۋالىكتى بەرۋ مەرزىمى كۇنتىزبەلىك وتىز كۇننەن اسپايتىن مەرزىمگە ۇزارتىلادى. ءوتىنىش بەرۋشى ءوتىنىشتى قاراۋ مەرزىمىنىڭ ۇزارتىلعانى تۋرالى ەكى جۇمىس كۇنى ىشىندە حاباردار ەتىلەدى.
39. تۋ تۋرالى قايتالاما كۋالىك اكتىلىك جازبالارمەن دالمە-ءدال سايكەستەندىرىلىپ جازىلادى. جەرگىلىكتى جەرلەردىڭ اتاۋى سول كەزدە بولعان اكىمشىلىك-اۋماقتىق بولىنىسكە دالمە-ءدال سايكەستەندىرىلىپ كورسەتىلەدى, ال مەملەكەتتىك تىركەۋ ورنى – سول كەزدە بولعان اكىمشىلىك ءبولىنىس بويىنشا وسى جەردە قىزمەت كورسەتكەن تىركەۋشى ورگان كورسەتىلەدى.
قايتالاپ بەرىلەتىن تۋ تۋرالى كۋالىكتەردىڭ ءبىرىنشى بەتىنىڭ جوعارعى جاعىندا «قايتالاپ» دەپ كورسەتىلەدى.
40. ون التى جاسقا دەيىنگى بالالاردىڭ تۋ تۋرالى قايتالاما كۋالىكتەرى اتا-انالارىنا, قورعانشىلارىنا, بالا اسىراپ الۋشىلارعا, قامقورشىلارىنا جانە بالالاردى تاربيەلەپ وتىرعان بالالار مەكەمەلەرىنىڭ اكىمشىلىكتەرىنە بەرىلەدى.
ون التى جاستان اسقان, بiراق ون سەگىز جاسقا تولماعان جانە جەكە باسىن كۋالاندىراتىن قۇجات الماعان بالالارعا اتا-انالارىنىڭ بiرەۋiنiڭ نە قورعانشىسىنىڭ, بالا اسىراپ الۋشىنىڭ قاتىسۋىمەن ولار جەكە باسىن كۋالاندىراتىن قۇجاتتى ۇسىنعان كەزدە قايتالاما كۋالiكتەر بەرiلەدi.
41. وزدەرىنە قاتىستى اتا-انالىق قۇقىقتارىنان ايرىلعان اتا-انالارعا, ونى قالپىنا كەلتىرگەنگە دەيىن بالالاردىڭ تۋى تۋرالى قايتالاما كۋالىكتەرى بەرىلمەيدى.
42. اتا-انالىق قۇقىقتارىنان ايىرىلۋ فاكتىسىن تىركەۋشى ورگان مۇراعاتتا ساقتاۋدا تۇرعان تۋ تۋرالى اكتىسىنىڭ جازباسىن تەكسەرۋ جولىمەن جۇرگىزەدى.
43. تۋ تۋرالى قايتالاما كۋالىك بەرىلگەن جاعدايدا الدىندا بەرىلگەن كۋالىك جارامسىز بولىپ تابىلادى, ول تۋرالى جەكە تۇلعالار تۋرالى دەرەكتەر بازاسىندا بەلگى سوعىلادى.
44. تۋ تۋرالى كۋالىك پايدالانۋعا جارامسىز بولعان جانە وسى قاعيدالاردىڭ 29-تارماعىنىڭ 1) جانە 6) تارماقشالارىندا كورسەتىلگەن دەرەكتەردى سايكەستەندىرۋ مۇمكىن بولماعان جاعدايدا تۋ تۋرالى كۋالىك جارامسىز بولىپ تابىلادى جانە تىركەۋشى ورگانعا تاپسىرىلۋعا جانە اۋىستىرىلۋعا جاتادى.
45. تۋ تۋرالى كۋالىكتەردى جويۋ تۋرالى وسى قاعيدالارعا قوسىمشاعا سايكەس اكتى جاسالادى, وندا جويىلعان تۋ تۋرالى كۋالىكتەردىڭ سەرياسى, ءنومىرى مەن كۇنى جانە وسى كۋالىكتى بەرگەن تىركەۋشى ورگاننىڭ اتاۋى كورسەتىلەدى.
46. تۋ تۋرالى كۋالىكتەردى جويۋ ءۇشىن تۋ تۋرالى كۋالىكتەر جويىلاتىن تىركەۋشى ورگان باسشىسىنىڭ بۇيرىعىنا سايكەس كوميسسيا قۇرىلادى. تىركەۋشى ورگاننىڭ قىزمەتكەرلەرى قاتارىنان قۇرامىندا كەمىندە ءۇش ادامى بار كوميسسيا قالىپتاستىرىلادى.
47. اكتىگە كوميسسيا مۇشەلەرى قول قويادى جانە ونى تۋ تۋرالى كۋالىكتەر جويىلاتىن تىركەۋشى ورگاننىڭ باسشىسى بەكىتەدى.
48. تۋ تۋرالى كۋالىكتى الىپ قويۋدى الدىن الا تەرگەۋ, انىقتاۋ ورگاندارىنىڭ لاۋازىمدى ادامدارى, سونداي-اق اكىمشىلىك ءىس جۇرگىزۋ جانە ازاماتتىقتى جوعالتۋدى رەسىمدەۋ بارىسىندا لاۋازىمدى ادامدار جۇزەگە اسىرادى.
تۋ تۋرالى كۋالىكتى بەرۋ, رەسىمدەۋ, اۋىستىرۋ, تاپسىرۋ, الىپ قويۋ جانە جويۋ قاعيدالارىنا قوسىمشا
نىسان
«بەكىتەمىن»
_____________________
تىركەۋشى ورگاننىڭ باسشىسى
____________________ت.ا.ءا.
2013 ج. «____»____________
تۋ تۋرالى كۋالىكتەردى جويۋ اكتىسى
مىناداي قۇرامداعى ءبىز, تومەندە قول قويۋشىلار:
1. _____________________________
(لاۋازىمى) ت.ا.ءا.
2. _____________________________
(لاۋازىمى) ت.ا.ءا.
3. ______________________
(لاۋازىمى) ت.ا.ءا.
№__ تۋ تۋرالى كۋالىكتەردىڭ جويىلعانى تۋرالى وسى اكتىنى جاسادىق.
قوسىمشا: جويىلعان تۋ تۋرالى كۋالىكتەردىڭ كوشىرمەلەرى.
__________________
قولى, ت.ا.ءا.
__________________
قولى, ت.ا.ءا.
__________________
قولى, ت.ا.ءا.
ورىن.: تەگى, اتى, اكەسىنىڭ اتى
