"زاڭ جوباسىنا سايكەس "Kazakh Tourism" ۇلتتىق كومپانياسى جاڭا قۇزىرەتكە يە بولعالى تۇر. اتاپ ايتقاندا ول بيۋدجەت قاراجاتىن تۋريستىك سالاداعى جەكە قۇرىلىمداردىڭ جارعىلىق كاپيتالىنا ينۆەستيتسيالاي الادى ەكەن. Kazakh Tourism كومپانياسىنىڭ ءوزى 100 پايىز مەملەكەت تاراپىنان قارجىلاندىرىلاتىنىن ەسكەرسەك, بۇل رەتتە بيۋدجەت قاراجاتى Kazakh Tourism ارقىلى جەكە قولعا تاراتىلاتىنىن اڭعارۋعا بولادى. وسىلايشا كومپانيا قارجىلىق دەلدال قىزمەتىن اتقارادى. ونسىز دا بيۋدجەت قاراجاتىن ءتيىمسىز پايدالانعانى ءۇشىن Kazakh Tourism بۇعان دەيىن دە قاتاڭ سىنعا ىلىككەن بولاتىن. سوندىقتان Kazakh Tourism كومپانياسىنا قوسىمشا قۇزىرەت بەرۋدىڭ قاجەتى قانشا؟ ءبىز بۇل نورمانى الىپ تاستاۋدى ۇسىنامىز", دەدى ارتۋر پلاتونوۆ.
بۇل سۇراققا جاۋاپ بەرگەن اقتوتى رايىمقۇلوۆا "Kazakh Tourism" ۇلتتىق كومپانياسى قۇرىلعان كەزدە ونىڭ سىرتقى ەكونوميكالىق ينۆەستيتسيالىق جۇمىستى جۇرگىزەتىنى ايقىندالعانىن ايتتى.
"يدەيا مىناداي بولعان. ول 50 پايىز قاراجاتتى سالا وتىرىپ, ينۆەستورلار ءۇشىن ينۆەستيتسيالىق جوبالاردىڭ ىسكە قوسىلۋىنا مۇرىندىق بولۋ, ەكىنشىدەن مەملەكەت قانداي دا ءبىر جوباعا قىزىعۋشىلىق تانىتاتىنىن كورسەتۋ. وزدەرىڭىز بىلەتىندەي, بۇل جوبا وپەراتسيالىق قۋاتتىلىققا وتكەن كەزدە "Kazakh Tourism" ۇلتتىق كومپانياسىنىڭ ۇلەسى اۋكتسيون جۇيەسى بويىنشا ساتىلاتىن ەدى. ياعني ۇلەس جەكە ينۆەستورلارعا ساتىلۋى مۇمكىن. بىراق كومپانيا ينۆەستيتسيا تارتۋ مىندەتىن ورىندايدى", دەدى ول.
مينيستر ءوز سوزىندە دەپۋتاتتاردىڭ بۇل ۇسىنىسىن ۇكىمەت قولداعانىن جەتكىزدى. ال ءماجىلىس توراعاسى نۇرلان نىعماتۋلين دەپۋتاتتاردىڭ بۇل ۇسىنىسى ورىندى ەكەنىن جەتكىزدى.
