وسىلايشا جومارت ەرتاەۆتان Bank RBK پايداسىنا "پەترولەۋم ترەيد" جشس قارىزى بويىنشا 3, 655 ميلليارد تەڭگە جانە وسى سومادان 109,6 ميلليون تەڭگە مولشەرىندەگى مەملەكەتتىك باجدىڭ 3 پايىزىن ءوندىرۋ تۋرالى شەشىم قابىلداندى. جالپى سوماسى 3,764 ميلليارد تەڭگە.
قالعان زارداپ شەككەندەرگە ەرتاەۆ ەندى 17,021 ميلليارد تەڭگە قايتارۋى كەرەك.
سونداي-اق ەرتاەۆ Qazaq Banki اكتسيونەرى باحىت يبراگيممەن بىرگە 39,6 ميلليارد تەڭگە قايتارۋعا مىندەتتەلدى.
ايتا كەتەيىك, ازىرگە ۇكىم زاڭدى كۇشىنە ەنگەن جوق.
ەسكە سالايىق, الماتى قالاسىندا جومارت ەرتاەۆتىڭ 11 جىلعا سوتتالعانى حابارلانعان ەدى. Bank RBK-دان 144 ميلليارد تەڭگە جىمقىرۋ ىسىنە قاتىستى سوت وتكەن جىلدىڭ اياعىندا باستالعان بولاتىن. تەرگەۋ دەرەكتەرىنە سۇيەنسەك, قىلمىس 2011-2017 جىلدار ارالىعىندا جاسالعان. قىلمىستىق ءىس 46 ەپيزود جانە 700 تومنان تۇرادى. ايىپتاۋ اكتىسىندە 3600-دان اسا پاراقشا بار.
