بۇگىننەن باستاپ قالا تۇرعىندارى الىپ شاھار جايلى تولىق اقپارات الىپ عانا قويماي, ءوز ازاماتتىق پىكىرىن بىلدىرە الادى. قالالىق باعدارلامالارعا داۋىس بەرىپ, مەگاپوليستى دامىتۋداعى ويىن اشىق ايتۋىنا بولادى. سونداي-اق قالانىڭ سوڭعى جاڭالىقتارىمەن تانىسىپ وتىرادى. ماماندار بۇل قوسىمشا الماتى بيلىگى مەن ءدۇيىم ەل اراسىندا كەدەرگىسىز بايلانىس ورناتاتىن ەلەكتروندى الاڭ دەيدى. باستى ماقسات – قالا حالقىن الماتىنىڭ قوعامدىق ومىرىنە قوسۋ.
"بيىل قانشا اعاش ەگىلدى؟ مەملەكەتتىك باعدارلامالار ارقاسىندا قانشا وتباسى پاتەر كىلتىن الدى؟ جالپى الماتىنىڭ شەتكى اۋداندارى قالاي دامىپ جاتىر؟ قانشا جاڭا ساياباق پايدا بولدى؟ ولاردىڭ تولىق مەكەنجايى قانداي؟ ءبىر سوزبەن ايتقاندا, مادەنيەت جانە ءبىلىم, ەكولوگيا سالاسىنداعى جاڭالىقتاردى كورىپ, سىزدەر دە قالا ءومىرىن جاقسارتۋعا اتسالىسا الاسىزدار. مۇندا داۋىس بەرۋدەن بولەك كوپتەگەن فۋنكتسيا بار. ەگەر قوسىمشادا قاتەلىكتەر نەمەسە ارىز-شاعىم بولسا, Open الماتى كەڭسەسىنە حابارلاسىڭىزدار", دەدى قالالىق تسيفرلاندىرۋ باسقارماسىنىڭ باسشىسى بايان قوڭىرباەۆ.
