بۇل بۇرناعى كۇنى وتكەن قىزىلوردا وبلىسى اكىمى اپپاراتىنىڭ وتىرىسىندا بەلگىلى بولدى.
جيىندا وبلىس اكىمى اپپاراتى جەتەكشىسىنىڭ ورىنباسارى مارات بايىمبەتوۆتىڭ ايتۋىنشا, وبلىستا شاقىرۋ جاسىنداعى 54 845 ادامنىڭ 32634-ءى, ياعني 60 پايىزى شاقىرىلۋعا جاتادى. بىراق بۇلاردىڭ 1116-سى ءالى كۇنگە دەيىن شاقىرۋ كوميسسيالارىنا كەلگەن ەمەس.
بۇل بۇرناعى كۇنى وتكەن قىزىلوردا وبلىسى اكىمى اپپاراتىنىڭ وتىرىسىندا بەلگىلى بولدى.
جيىندا وبلىس اكىمى اپپاراتى جەتەكشىسىنىڭ ورىنباسارى مارات بايىمبەتوۆتىڭ ايتۋىنشا, وبلىستا شاقىرۋ جاسىنداعى 54 845 ادامنىڭ 32634-ءى, ياعني 60 پايىزى شاقىرىلۋعا جاتادى. بىراق بۇلاردىڭ 1116-سى ءالى كۇنگە دەيىن شاقىرۋ كوميسسيالارىنا كەلگەن ەمەس. قازىر قاشقىندارى سانى بويىنشا جالاعاش اۋدانى ەشكىمدى الدىنا تۇسىرمەي, توپ باستاپ كەلەدى. ونداعى 486 شاقىرىلۋشىنىڭ 281-ءى وسىنداي قاشاقتار قاتارىندا ءجۇر. ال قارماقشى اۋدانى 484 شاقىرىلۋشىسىنىڭ 222-ءسىن بەزگەك تيگەندەي ەتىپ, بەزدىرىپ الىپ, بۇل «الامان بايگەنىڭ» ەكىنشى ورنىن تاقىمىندا بەرىك ۇستاپ تۇر. ال بۇلاردىڭ سوڭىنداعى قارانى ارال اۋدانى – 190, قازالى اۋدانى – 183 جالتارۋشىسىمەن تولتىرىپ كەلەدى.
وبلىس اكىمى قىرىمبەك كوشەرباەۆ وسىعان بايلانىستى ءتيىستى ورگاندارعا ۇستاتپاي جۇرگەن شاقىرىلۋشىلاردى تەزدەتىپ قولعا ءتۇسىرۋدى قاتاڭ تاپسىردى. ول سونىمەن قاتار ولاردىڭ اتى-جوندەرى جازىلعان ءتىزىمدى جەرگىلىكتى باق-تار بەتتەرىندە جاريالاۋدى مىندەتتەدى.
مۇرات ايتقوجا.
قىزىلوردا.
