"ونەركاسىپتىك ونىمدەگى اتالعان سەكتوردىڭ ۇلەسى 88 پايىزدى قۇرايدى. قازاقستانداعى مۇناي كولەمىنىڭ 55 پايىزى وسى وڭىردەن وندىرىلەدى. قازىر مۇناي-گاز سالاسىندا بىرنەشە اۋقىمدى جوبا جۇزەگە اسىرىلىپ جاتىر. سونىڭ ىشىندە ماڭىزدىسى – تەڭىز كەن ورنىنداعى كەلەشەك كەڭەيتۋ جوباسى. ونىڭ جالپى قۇنى – 46 ملرد دوللار. بۇل جوبا اتالعان كەن ورنىنان وندىرىلەتىن مۇنايدى جىلىنا 12 ملن تونناعا ارتتىرۋعا مۇمكىندىك بەرەدى", دەيدى ماحامبەت دوسمۇحامبەتوۆ.
اكىمنىڭ پىكىرىنشە, تەڭىز كەن ورنىن كەڭەيتۋ جوباسىنا 300-گە جۋىق قازاقستاندىق كومپانيا تارتىلىپ وتىر. جوبادا 27 مىڭ ادام جۇمىس ىستەيدى.
"بۇل جوبانىڭ 80 پايىزى ىسكە اسىرىلدى. مۇناي-گاز سالاسىنداعى تاعى ءبىر اۋقىمدى جوبا – كاسپي تەڭىزىنىڭ قازاقستاندىق سەكتورىن يگەرۋ. "قاشاعان" كەن ورنىنان ون ايدا 12 ملن 700 مىڭ توننا مۇناي ءوندىرىلدى", دەيدى وبلىس اكىمى.
