مەرەكەلىك قۇتتىقتاۋدى كورەيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى كۋ حون سوك جانە ەلوردالىق قحا حاتشىلىعىنىڭ وكىلدەرى ارنادى. ولار ءوز كەزەگىندە بيىلعى جىلى ءوزىنىڭ 20 جىلدىعىن اتاپ وتكەن ۇجىم مۇشەلەرىن قۇتتىقتاپ, ودان ءارى وركەندەۋ مەن جاڭا بيىكتەرگە جەتۋدى تىلەدى.
ءىس-شارا بارىسىندا قازاقستانداعى كارىستەر قاۋىمداستىعىنىڭ 30 جىلدىعىنا وراي انسامبل تامارا شەگاي, ناتاليا لەگاي, ليۋدميلا تيان, اللا كوگاي جانە ەربۋلات كاليەۆ مەرەكەلىك توسبەلگىلەرمەن ماراپاتتالسا, ۇجىمىننىڭ وزگە مۇشەلەرنە ارنايى العىس حاتتار تابىستالدى.
قاتىسۋشىلارعا كونتسەرتتىك باعدارلامادان بولەك, كارىس حالقىنىڭ ۇلتتىق تاعامى "كيمچي" ازىرلەۋدەن شەبەرلىك ساعاتى ءوتتى.
"نۇر-سۇلتان قالاسىنداعى كارىستەردىڭ ەتنومادەني بىرلەستىگى" قوعامدىق بىرلەستىگىنىڭ "چەن – ريۋ" حالىقتىق ۆوكالدىق ءانسامبلى 2000 جىلدىڭ قاراشا ايىندا قۇرىلدى. انسامبل رەپەرتۋارىندا قازاق, كارىس جانە ورىس تىلدەرىندە 40-تان استام ءان بار. قازىر حوردا 20 قاتىسۋشى بار, 17 جىلدان بەرى لياززات حامزينا حوردى باسقارىپ كەلەدى. ل.حامزينانىڭ جەتەكشىلىگىمەن ۇجىم قالالىق, سونداي-اق رەسپۋبليكالىق ءىس-شارالارعا, كونكۋرستار مەن فەستيۆالدارعا بەلسەندى قاتىسادى. وعان كوپتەگەن ماراپاتتار مەن العىس حاتتار جيىنى دالەل بولا الادى. حور ۇجىمى بىرنەشە رەت ءتۇرلى ەلدەرگە كونتسەرتتەرمەن دە بارعان بولاتىن.
