«رەسەي مەن اقش دەلەگاتسيالارىنىڭ تىعىز ىنتىماقتاستىعىنىڭ ارقاسىندا جەنەۆاداعى «التىلىق» پەن يراننىڭ كەلىسسوزدەرى ءساتتى اياقتالدى», – دەدى رەسەيدەگى اقش ەلشىسى مايكل ماكفول. بۇل تۋرالى يتار-تاسس حابارلادى.
«ءبىز بۇنى تاريحي ءسات دەپ ويلايمىز. رەسەيمەن تىعىز جۇمىس جۇرگىزىلمەگەندە مۇنداي كەلىسىمگە قول جەتكىزبەيتىن ەدىك», – دەپ مالىمدەدى اقش ەلشىسى.
مايكل ماكفول حالىقارالىق كۇن تارتىبىندەگى وزگە دە ماسەلەلەر بويىنشا رەسەي مەن اقش-تىڭ بىرجاقتى ويدا بولعانىن ەسكەرىپ ءوتتى. «رەسەي مەن اقش كوشباسشىلارىنىڭ سوعىستاردىڭ توقتاتىلۋى جونىندەگى ويلارى سايكەس كەلەدى, ەكى ەل اراسىندا تەرروريزممەن كۇرەس سالاسىنداعى ىنتىماقتاستىق كۇشەيۋدە», – دەدى ول.
ايدار ورىسباەۆ.
دەرەككوز: Itar-tass.com
