كحدر بيلىگى وڭتۇستىك كورەيانىڭ تەلەحابارلارىن كورگەنى ءۇشىن 80 ادامدى ءولىم جازاسىنا كەستى. بۇل تۋرالى Rbc.ua حابارلادى.
«Russia Today» تەلەارناسى سولتۇستىك كورەيادا شەتەل تەلەحابارلارىن كورگەنى ءۇشىن 80 ادام حالىقتىڭ الدىندا اتىلعانىن ءمالىم ەتتى. جازالاۋ شارالارى جەرگىلىكتى ستاديونداردا جۇزەگە اسىرىلعان. تيىم سالىنعان شەتەل تەلەحابارلارىن كورۋمەن قاتار, ولاردىڭ كەيبىرىنە جەزوكشەلىكپەن اينالىستى دەگەن ايىپ تاعىلعان.
وڭتۇستىك كورەيانىڭ «JoongAng Ilbo» گازەتى جازعانداي, ءولىم جازالارى سولتۇستىك كورەيانىڭ جەتى قالاسىندا ورىندالعان. جازالاردىڭ كۋاگەرى رەتىندە 10 مىڭ ادام قاتىسقان. ولاردىڭ ىشىندە بالالار دا بار. گازەتتىڭ اقپارات كوزى قحدر بيلىگىنىڭ ادامداردى ءولىم جازاسىنىڭ كۋاگەرى بولۋعا كۇشتەگەنىن العا تارتادى.
كيم چەن ىننىڭ رەسپۋبليكانى باسقارۋ كەزەڭىندە ادامداردى جاپپاي ءولىم جازاسىنا كەسۋ كوبەيىپ كەتتى. سوڭعى رەت مۇندا تامىز ايىندا ءبىر توپ ءارتىستى حالىق الدىندا جازالاعان ەدى. جازاعا ۇشىراعانداردىڭ اراسىندا كيم چەن ىننىڭ بۇرىنعى سۇيىكتىسى دە بولعان كورىنەدى. وعان پورنوفيلمدەردى تاراتتى دەگەن ايىپ تاعىلعان.
ايدار ورىسباەۆ.
دەرەككوز: Rbc.ua
