مەملەكەتتىك قىزمەت ىستەرى اگەنتتىگى پاۆلوداردا «مەملەكەتتىك قىزمەتتى رەفورمالاۋ: ىشكى ءتۇيىن جانە ايماقتىق باق-تاعى كورىنىسى» دەگەن تاقىرىپتا جۋرناليستەرگە ارنالعان سەمينار ۇيىمداستىردى.
مەملەكەتتىك قىزمەت ىستەرى اگەنتتىگى پاۆلوداردا «مەملەكەتتىك قىزمەتتى رەفورمالاۋ: ىشكى ءتۇيىن جانە ايماقتىق باق-تاعى كورىنىسى» دەگەن تاقىرىپتا جۋرناليستەرگە ارنالعان سەمينار ۇيىمداستىردى.
ول ەۋروپا وداعىنىڭ «قازاقستان ۇكىمەتى مەملەكەتتىك قىزمەتىن رەفورمالاۋ جانە مودەرنيزاتسيالاۋ» جوباسى قولداۋىمەن جۇزەگە استى. جيىندا باق پەن باسقا دا قوعامداستىق وكىلدەرى مەملەكەتتىك قىزمەت جاڭا مودەلى ماسەلەلەرىن, ونىڭ ىشىندە مەملەكەتتىك ورگانداردىڭ قوعاممەن بىرلەسە ارەكەت ەتۋ جولدارىن ورتاعا سالدى.
سەمينار جۇمىسىنا پاۆلودار, شىعىس قازاقستان جانە سولتۇستىك قازاقستان وبلىستارىنداعى بۇقارالىق اقپارات قۇرالدارىنىڭ وكىلدەرى, پاۆلودار وبلىسىنىڭ مەملەكەتتىك قىزمەتكەرلەرى, مەملەكەتتىك قىزمەت كورسەتۋ بويىنشا جەكە تۇلعالار, كوممەرتسيالىق ەمەس ۇيىمدارمەن ءوزارا ىقپالداسۋ جانە ىنتىماقتاسۋ بويىنشا قوعامدىق كەڭەس پەن جەرگىلىكتى تارتىپتىك كەڭەستىڭ مۇشەلەرى قاتىستى.
باسقوسۋدا مەملەكەتتىك قىزمەت ىستەرى اگەنتتىگىنىڭ ءتوراعاسى ءاليحان بايمەنوۆ كونكۋرستىق پروتسەدۋرالاردىڭ اشىقتىعى مەحانيزمى, سىبايلاس جەمقورلىقپەن كۇرەس, «كوماندالىق كوشۋدى» ازايتۋ سەكىلدى بىرقاتار وزەكتى ماسەلەلەر توڭىرەگىندەگى مەملەكەتتىك قىزمەت مودەلىنىڭ نەگىزگى قاعيدالارىن ءتۇسىندىردى.
«قازاقستان ۇكىمەتى مەملەكەتتىك قىزمەتىن رەفورمالاۋ ءجانە مودەرنيزاتسيالاۋ» جوباسىنىڭ جەتەكشىسى دجوردج ميروگياننيس مەملەكەتتىك قىزمەتتى دامىتۋدىڭ زاماناۋي ۇدەرىستەرىنە, قازاقستاننىڭ مەملەكەتتىك قىزمەتتى مودەرنيزاتسيالاۋداعى وزىق ەۋروپالىق تاجىريبەنى قولدانۋ ماسەلەلەرىنە توقتالدى.
سەميناردا, سونىمەن بىرگە, كادرلاردى ىرىكتەۋ مەن جوعارىلاتۋدا مەريتوكراتيا پرينتسيپتەرىن قولدانۋ, مەملەكەتتىك قىزمەتتەگى ەتيكالىق جانە جەمقورلىققا قارسى باقىلاۋدى كۇشەيتۋ, «ا» كورپۋسىن قالىپتاستىرۋ مەن مەملەكەتتىك قىزمەتكەرلەردى وقىتۋ ماسەلەلەرى تالقىلاندى.
فاريدا بىقاي,
«ەگەمەن قازاقستان».
