قازاقستان حالقى تاۋەلسىزدىك جىلدارىندا ەلباسىنىڭ ستراتەگيالىق باسشىلىعىمەن عاسىرعا بەرگىسىز جولدان ءوتتى.
الەم كارتاسىندا تاۋەلسىز قازاقستان قارقىندى نارىقتىق ەكونوميكاسى بار, دەموكراتيالىق قوعامدىق قۇرىلىمى قالىپتاسقان جانە حالىقارالىق زور بەدەلگە يە ەگەمەن مەملەكەت رەتىندە ورنىقتى.
قازاق حالقى ءوزىنىڭ بايىرعى جەرىنىڭ شىنايى يەسى رەتىندە اينالاسىنا 100-دەن استام ەتنوستى شوعىرلاندىرىپ, ازاماتتىق تاتۋلىق پەن ەتنوسارالىق كەلىسىمنىڭ تىرەگىنە, دىنارالىق ديالوگتىڭ حالىقارالىق مىنبەرىنە اينالدى.
قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلى – نۇرسۇلتان نازارباەۆتىڭ ۇلگىسى رەتىندە الەمدىك دەڭگەيدە تانىلدى.
قازاقستاندى جاڭعىرتۋدىڭ كۇردەلى جانە سەرپىندى ءۇردىسى, گەوساياسي شيەلەنىستەر مەن جاھاندىق ەكونوميكالىق ماسەلەلەر تاريح سىناقتارى الدىنداعى جالپىۇلتتىق بىرلىكتى نىعايتۋ جولىندا جاڭا تالاپتار قويۋدا.
قازاقستان پرەزيدەنتى قاسىم-جومارت توقاەۆتىڭ تاپسىرماسى بويىنشا قىسقا ۋاقىت ىشىندە ەتنوسارالىق دامۋ ماسەلەلەرى بويىنشا مەملەكەتتىك باسقارۋدىڭ تۇتاس سالاسى قالىپتاستى.
مەملەكەتتىك ءتىلدى ەتنوسارالىق قاتىناس ءتىلى رەتىندە بەكىتۋ, بارشا ەتنوستاردى قازاق حالقىنىڭ اينالاسىنا توپتاستىرۋ باعىتىنداعى جۇمىستار تىڭ سەرپىنمەن جالعاسۋدا.
بارشا حالىقتى بىرىكتىرگەن ء«بىز بىرگەمىز!» جالپىۇلتتىق اكتسياسى ۋاقىت سىنىنا جاۋاپ بەرۋدىڭ جارقىن مىسالى بولدى.
ارقاشان وسى قالپىمىزدان اينىماۋىمىز كەرەك!
ءبىز اسسامبلەيانىڭ بارلىق مۇشەلەرىن, تۇتاس قازاقستان حالقىن بەيبىتشىلىك پەن كەلىسىمدى نىعايتۋ باعىتىندا ەلباسى سالعان سارا جولدان اينىماۋعا شاقىرامىز.
ءبىز مەملەكەت باسشىسىنىڭ قازاقستان حالقىنا جولداۋىنىڭ جەمىستى ىسكە اساتىنىنا جانە الداعى رەفورمالارعا جالپىۇلتتىق قولداۋ بولاتىنىنا نىق سەنىمدىمىز!
ءبىز تۇراقتى تاتۋلىق, قوعامدىق كەلىسىم مەن حالىق بىرلىگى – ەلىمىزدىڭ بەرىك ىرگەتاسى جانە ونىڭ قارقىندى دامۋىنىڭ كەپىلى بولدى جانە بولا بەرەدى دەپ تۇجىرىمدايمىز.
ازاماتتاردىڭ ءال-اۋقاتى ارتىپ, ءبىزدىڭ ورتاق وتانىمىز – قازاقستان رەسپۋبليكاسى وركەندەپ, دامي بەرسىن!
قازاقستان حالقى اسسامبلەياسىنىڭ كەڭەسى
نۇر-سۇلتان ق., 2020 جىل, 11 قاراشا
