"COVID-19 ىندەتىن جۇقتىرۋ جاعدايلارىنىڭ كوبەيۋىنە بايلانىستى قالا "سارى" ايماققا ءوتتى. بۇل قازىرگى كەزەڭدە كارانتيندى جەڭىلدەتۋ قاجەت ەمەس ەكەنىن بىلدىرەدى. 11 قاراشادا 47 جاعداي تىركەلدى. شاعىن جانە ورتا بيزنەس نىساندارى كەزەك-كەزەكپەن جابىلماۋى, قالا اۋماعى بويىنشا بلوكپوستار ورناتىلماۋى جانە قالانىڭ جابىلماۋى ءۇشىن ءار تۇرعىن جاعدايدىڭ قانشالىقتى قيىن ەكەنىن ءتۇسىنۋى كەرەك. جەدەل شتاب وتىرىسىندا نەگىزگى ماسەلەلەر قارالدى", دەپ جازدى ول.
اكىمنىڭ ايتۋىنشا, ەڭ الدىمەن پوليتسيا قىزمەتكەرلەرى مەن سانيتارلىق دارىگەرلەر رەيدتەردى كۇشەيتۋگە جانە كارانتيندى بۇزۋ فاكتىلەرىن انىقتاۋعا كوشتى. بۇل سانيتاريا ەرەجەلەرىن ساقتاماي, بۇكىل قالانىڭ ومىرىنە قاۋىپ توندىرەتىن نەمقۇرايلى كاسىپكەرلەر ءۇشىن سيگنال بولۋى شارت.
"تۇندە ويىن-ساۋىق مەكەمەلەرىندە جۇرگەن, ەرەجە بۇزعان ازاماتتار اسىرەسە ەگدە جاستاعى تۇرعىنداردىڭ دەنساۋلىعىنا قانشالىقتى كەرى اسەرىن تيگىزىپ جاتقاندارىن ءالى تۇسىنبەي كەلەدى. ەكىنشىدەن, مەديتسينا مەكەمەلەرى قوسىمشا جابدىقتارمەن, قورعانىس قۇرالدارىمەن, ءدارى-دارمەكتەرمەن جانە ت.ب. جابدىقتالعان. ماتەريالدىق-تەحنيكالىق بازا دايىن, بىراق ءبىر مەزەتتە جاعداي ۋشىعىپ كەتسە, دارىگەرلەر بارلىق ناۋقاسقا جەتپەيدى", دەپ ەسكەرتتى ا. كولگىنوۆ.
ۇشىنشىدەن, پتر زەرتتەۋىمەن كوبىرەك قامتۋ ءۇشىن كوپبەيىندى قالالىق اۋرۋحانالاردىڭ قابىلداۋ بولمەلەرىندە جانە ستاتسيونارلاردىڭ اكۋشەرلىك بلوكتارىندا يزوتەرميالىق شاعىن-زەرتحانالار اشىلدى. بۇل شۇعىل تۇردە تۇسكەن پاتسيەنتتەر اراسىندا كوروناۆيرۋس ينفەكتسياسىن تاسىمالداۋشىلارىن انىقتاۋعا جانە ۋاقتىلى ەم كورسەتۋگە مۇمكىندىك بەرەدى. ءتورتىنشى, كۆي-عا بيوماتەريال الاتىن زەرتحانالار سانى 15-كە دەيىن ارتتى. زەرتحانالاردىڭ جالپى قۋاتى تاۋلىگىنە 10 مىڭنان استام زەرتتەۋگە جەتەدى. بەسىنشىدەن, بارلىق قالالىقتارعا قىزمەت كورسەتەتىن اۆتوبۋس پاركتەرى, شاھاردى سانيتارلىق تازالاۋمەن جانە اباتتاندىرۋمەن اينالىساتىن كوممۋنالدىق كاسىپورىندار جانە قالانىڭ تىنىس-تىرشىلىگىن قامتاماسىز ەتەتىن ماڭىزدى نىساندار (جەو, استانا سۋ ارناسى, استانا-اەك جانە ت.ب.) ەرەكشە باقىلاۋعا الىندى. قىزمەتكەرلەر ءجيى تەكسەرىلىپ وتىرادى.
"تەستىلەۋ ارقىلى قامتۋدى كەڭەيتە وتىرىپ, ءبىز COVID-19 تارالۋىنىڭ ناقتى كورىنىسىن باعامدايمىز جانە وشاقتاردى تەز ارادا وقشاۋلاي الامىز. شەتەلدەن ىندەت جۇقتىرىپ, ەلگە ورالعاندار سانى ارتىپ كەلەدى. مۇمكىندىگىنشە ساپارلار سانىن قىسقارتۋعا, جاپپاي ءىس-شارالاردى وتكىزبەۋگە جانە قاتىسپاۋعا, سانيتاريا نورمالارىن قاتاڭ ساقتاۋعا كەڭەس بەرەمىز", دەيدى التاي كولگىنوۆ.
