تۇركىستان وبلىسىنىڭ پوليتسەيلەرى قوعامدىق تىنىشتىق پەن قاۋىپسىزدىكتى ساقتاۋ سىندى كەزەك كۇتتىرمەس قيىن دا قاۋىپتى قىزمەتتەرىمەن بىرگە, كۇندەلىكتى الەۋمەتتىك جەلىگە دە باقىلاۋ جاساپ, سارالاپ وتىرادى. وسىنداي كەزەكتى مونيتورينگ جۇرگىزۋ كەزىندە پوليتسەيلەر, تۇرعىن ءوز كولىگىنىڭ مەملەكەتتىك ءنومىرىن اينالاتىن ەتىپ قايتا جابدىقتاپ الىپ جۇرگەنى جونىندە بەينەجازبانى انىقتادى.
اتالعان قۇقىق بۇزۋشىلىقتى جاساعان Toyota Camry ماركالى كولىكتىڭ جۇرگىزۋشىسىن انىقتاۋ ماقساتىندا تۇركىستان قپب-نىڭ قىزمەتكەرلەرى شۇعىل ارەكەتكە كىرىستى. قاجەتتى شارالاردى ىسكە اسىرا وتىرىپ تەز ارادا ناتيجەگە جەتتى. ياعني تەكسەرۋ جۇمىستارى بارىسىندا قۇقىق بۇزۋشى جاس جۇرگىزۋشى انىقتالىپ, ول جاۋاپكەرشىلىككە تارتىلدى. ناقتىراق ايتساق, جۇرگىزۋشىگە اقبتك-ءنىڭ 590-بابىنىڭ 7-ءبولىمى (كولiك قۇرالدارىن پايدالانۋ قاعيدالارىن بۇزۋ) بويىنشا حاتتاما تولتىرىلدى. اتالعان باپتىڭ 7-بولىگىندە ء(تيىستى رۇقساتسىز قايتا جابدىقتالعان كولىك قۇرالىن باسقارۋ – ون بەس اەك مولشەرىندە ايىپپۇل سالۋعا اكەپ سوعادى) دەپ كورسەتىلگەن.
ءوز كەزەگىندە تۇركىستان وبلىسىنىڭ پوليتسەيلەرى جۇرگىزۋشىلەردى وسى ءتارىزدى ولقىلىقتارعا جول بەرمەۋگە شاقىرادى. قايتا جابدىقتاۋدى دا زاڭعا سايكەس جاساۋ قاجەت. قۇر ماقتانىشقا سالىنىپ, ويىنا كەلگەندى ىستەۋگە بولمايتىندىعىن ەسكەرتەدى. ودان بولەك, جولدا جىلدامدىقتى اسىرماۋعا, مانەۆر جاساۋ قاعيدالارىن بۇزباۋعا, مۇمكىندىگىنشە ساقتىق شارالارىن قولدانىپ كولىك باسقارۋعا كەڭەس بەرەدى. جوعارىداعىداي تەرىس ارەكەت جاساپ, ءوز ومىرىنەن بولەك, وزگە دە كولىك جۇرگىزۋشىلەرىنە قاۋىپ ءتوندىرىپ, جول بويىندا كەدەرگى كەلتىرۋدىڭ سوڭى جاقسىلىققا اپارمايتىنىن ەسكەرتەدى.
