"قازىر قالادا اۋرۋ جۇقتىرۋ دەرەگى كوبەيىپ جاتىر. وسىعان بايلانىستى ءبىز مەيرامحانالاردىڭ جۇمىس ۋاقىتىن قىسقارتۋ تۋرالى شەشىم قابىلدادىق. الدىڭعى قاۋلىعا وزگەرتۋ ەنگىزدىك. مەيرامحانالاردىڭ جۇمىس ۋاقىتىن 1 ساعاتقا شەگەردىك. بۇل ساقتىق شارالارىن كۇشەيتۋ ءۇشىن. سونىمەن قاتار بۇل تۇرعىنداردىڭ قوعامدىق ورىندارعا از بارۋى ءۇشىن جاسالىپ وتىر", دەيدى جانداربەك بەكشين.
ونىڭ ايتۋىنشا, الماتىدا قىركۇيەك, قازان ايلارىندا كوروناۆيرۋس جۇقتىرۋ دەرەگى ازايعان ەدى. الايدا قاراشانىڭ العاشقى كۇنىنەن باستاپ, اۋرۋ ءوسىمى بايقالىپ وتىر. ەگەر وسىعان دەيىن تاۋلىگىنە كوروناۆيرۋس جۇقتىرۋدىڭ 10 دەرەگى تىركەلسە, قازىر 24-30 انىقتالىپ جاتىر.
