ۋكراينانىڭ قۇقىق قورعاۋ ورگاندارى جەكسەنبى كۇنى ەۋروپالىق پەن تاۋەلسىزدىك الاڭدارىنا جينالعان شەرۋشىلەردى تاراتۋ ءۇشىن كوز جاساۋراتاتىن گاز بەن ارنايى قۇرال قولداندى. بۇل تۋرالى يتار-تاسس حابارلادى.
كيەۆ ميليتسياسى ءباسپاسوز قىزمەتىنىڭ اقپارى بويىنشا, جەرگىلىكتى ۋاقىتپەن 23:00-دە اياقتالۋى ءتيىس بولعان ميتينگ توقتاماي جالعاسا بەرگەن. ءتارتىپ ساقشىلارى كوشەنى كولىك قوزعالىسىنا اشۋ ءۇشىن ادامداردى جاياۋ جۇرگىنشىلەر جولىنا ىعىستىرىپ تاستاعان. سول كەزدە ولاردىڭ اراسىندا قاقتىعىس ورىن الىپ, ءبىر شەرۋشى مەن ەكى ميليتسيا قىزمەتكەرى جاپا شەككەن.
ۋكراينادا ۇكىمەتتىڭ ەۋروپا وداعىمەن قاۋىمداستىق قۇرۋ پروتسەسىن توقتاتۋلارىنا جاپپاي نارازىلىق ءبىلدىرۋ باستالدى. 22 قاراشا كۇنى كيەۆتەگى تاۋەلسىزدىك الاڭىندا 1,5 مىڭعا جۋىق ادام ۇكىمەت شەشىمىنە نارازىلىق بىلدىرگەن ەدى. ولارعا قولداۋ كورسەتۋ ءۇشىن «باتكيۆششينا» پارتياسىنىڭ توراعاسى ارسەني ياتسەنيۋك, «ۋدار» پارتياسىنىڭ توراعاسى ۆيتالي كليچكو, «سۆوبودا» پارتياسىنىڭ توراعاسى ولەگ تياگنيبوك پەن بۇرىنعى ىشكى ىستەر ءمينيسترى يۋري لۋتسەنكو دا كەلگەن بولاتىن. ال كەشە كيەۆتە ەۋروينتەگراتسيانى جاقتاۋشىلاردىڭ بىرنەشە اكتسيالارى بولىپ ءوتتى. قۇقىق قورعاۋ ورگاندارىنىڭ دەرەگى بويىنشا, اكتسيالارعا 20 مىڭنان اسا ادام قاتىسقان. ال ۇيىمداستىرۋشىلار بولسا كوشەلەرگە 100 مىڭنان استام ادام شىققانىن العا تارتادى. مۇنداي نارازىلىق اكتسيالارى ۋكراينانىڭ باسقا دا قالالارىندا بولىپ ءوتتى.
ايدار ورىسباەۆ.
دەرەككوز: Itar-tass.com
