"پروتەكتسيونيزمنىڭ كۇشەيۋى مەن تاۋارلىق جەتكىزۋلەر تىزبەگىنىڭ ءۇزىلۋى ءبىزدىڭ ۇيىمنىڭ ەكونوميكالىق الەۋەتىن اشۋ ماقساتىن شۇعىل شارا ەتىپ وتىر. 2025 جىلعا دەيىنگى شىۇ-نى دامىتۋ ستراتەگياسىن جۇزەگە اسىرۋ بويىنشا ءىس-قيمىل جوسپارىن بەكىتۋ ءوزارا ساۋدانىڭ قالپىنا كەلۋى مەن ۇلعايۋىنا ىقپال ەتەدى دەپ ۇمىتتەنەمىز", دەدى پرەزيدەنت.
مەملەكەت باسشىسى اتالعان ماسەلەنى شەشۋ بارىسىندا جوبالىق قىزمەتتى قارجىلاندىرۋ تەتىكتەرىن قۇرۋ بويىنشا كەلىسسوزدەردى جەدەلدەتۋ قاجەت ەكەنىن باسا ايتتى.
"مۇنداي جۇمىسقا ءوزارا ەسەپ ايىرىسۋدا ۇلتتىق ۆاليۋتالار ۇلەسىن بىرتىندەپ قامتاماسىز ەتۋ بويىنشا جول كارتاسىن قۇرۋ, سونداي-اق ەۋرازيالىق قارجى كونسۋلتاتسيالىق مەحانيزمىن قۇرۋ تىڭ سەرپىن بەرەر ەدى", دەدى مەملەكەت باسشىسى.
