"ەكستەرميزم, تەرروريزم, سەپاراتيزم جانە رۋحاني قۇندىلىقتاردىڭ دەۆالۆاتسياسىنا قارسى ءىس-قيمىلدا ءبىزدىڭ حالىقتاردىڭ جاسامپاز الەۋەتىن جۇمىلدىرۋ ءۇشىن شىۇ مەملەكەتتەرىنىڭ بىرىگەي مادەني مۇراسىن دامىتۋ ماڭىزدى. سوندىقتان ءبىزدىڭ ۇيىم ءۇشىن مەرەيتويلىق الداعى جىلدى شىۇ مادەنيەتى جىلى دەپ جاريالاۋدى قولدايمىز", دەدى پرەزيدەنت.
سونىمەن قاتار پرەزيدەنت قارۋلانۋدىڭ جاھاندىق جارىسىنىڭ كۇشەيۋى بيولوگيالىق قارۋعا قاتىستى قاداعالاۋ جۇيەسىن ىسكە قوسۋدىڭ قاجەتتىگىن وزەكتى ەتىپ وتىرعاندىعىن اتاپ ءوتتى.
"بارشامىز بيوتەرروريزمنىڭ قاتەرىنە بايلانىستى تاۋەكەلدەردى جاقسى تۇسىنەمىز. بۇۇ باس اسسامبلەياسىنىڭ 75-سەسسياسى بارىسىندا بيولوگيادىق قاۋىپسىزدىك جونىندەگى حالىقارالىق اگەنتتىكتى قۇرۋدى ۇسىنعان ەدىم. شىۇ بويىنشا ارىپتەستەر تاراپىنان بۇل ماسەلەدە قولداۋ بولاتىنىنا سەنىم ارتىپ وتىرمىن", دەدى ق. توقاەۆ.
ەسكە سالا كەتەيىك, بۇۇ باس اسسامبلەياسى 75-سەسسياسىنىڭ جالپى ساياسي دەباتتارىندا ءسوز سويلەگەن قر پرەزيدەنتى قاسىم-جومارت توقاەۆ بيولوگيالىق قاۋىپسىزدىك جونىندەگى حالىقارالىق اگەنتتىك قۇرۋ تۋرالى ايتتى.
