ءىس-شاراعا قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ ديرەكتورى, Nur Otan پارتياسى "تۇڭعىش" بپۇ توراعاسى ءامىرحان راحىمجانوۆ, قالالىق Nur Otan پارتياسىنىڭ "بىرلىك" فيليالى توراعاسىنىڭ ءبىرىنشى ورىنباسارى شىڭعىسحان قوجاحمەتوۆ, ەلوردالىق 17 مەكتەپ ديرەكتورلارى قاتىستى.
– ەلباسى كىتاپحاناسى ءبىلىم بەرۋ مەن مادەني باعىتتاعى مىندەتتەردى جۇزەگە اسىرۋدىڭ جاڭا مۇمكىندىكتەرىنە قول جەتكىزىپ وتىر. مەكەمەنىڭ مۋزەي, ارحيۆ, كىتاپحانا قورىن ۇشتاستىرعان جاڭا عيمارات قازىرگى جاستارعا رۋحاني, پاتريوتتىق تاربيە بەرۋدە, قۇندىلىقتار جۇيەسىن قالىپتاستىرۋدا ماڭىزدى ءىسىن جالعاستىرادى. ەلباسى ءوزى ايتقانداي: "ەلىڭدى سۇيە بىلسەڭ, جان اياماي قىزمەت ەتە بىلسەڭ, ەلىڭ دە سەنى الاقانعا سالىپ ايالاي بىلەدى". سول وتان سۇيگىشتىكتى تاربيەلەۋ ءۇشىن ءبىز بارىنشا مۇمكىندىكتەرىمىزدى پايدالانىپ كەلەمىز, – دەپ ءا.راحىمجانوۆ قوناقتاردى قارسى الىپ, پاندەميا كەزەڭىندە مەكەمە ونلاين-فورماتتا بەلسەندى جۇمىس ىستەپ جاتقانىن اتاپ ءوتتى.
ەركىن اڭگىمەلەسۋ تۇرىندە وتكەن باسقوسۋدا قاتىسۋشىلار زاماناۋي ءبىلىم بەرۋ ماسەلەلەرىن, قازىرگى جاعدايداعى قوسىمشا ءبىلىمنىڭ ءرولىن جانە ىنتىماقتاستىقتىڭ مۇمكىندىكتەرىن تالقىلادى.
ءىس-شارا بارىسىندا ءبىلىم بەرۋ مەكەمەلەرىنىڭ باسشىلارىنا مەكتەپ كىتاپحانالارىنىڭ قورىن تولىقتىرۋ ءۇشىن كىتاپتار تابىس ەتىلدى. ولاردىڭ ىشىندە: ء"بىزدىڭ پرەزيدەنت", "تۇڭعىش", "استانا – تاۋەلسىز قازاقستاننىڭ سيمۆولى", "تاريحي تاڭداۋ" جانە ت. ب. باسىلىمدار بار. ولاردىڭ كوپشىلىگىن ەلباسى كەڭسەسىنىڭ باسشىسى, ساياسي عىلىمدار دوكتورى, پروفەسسور م.ب. قاسىمبەكوۆ جەتەكشىلىك ەتەتىن ەلباسى كىتاپحاناسىنىڭ اۆتورلىق ۇجىمى جارىققا شىعارعان.
– ەلوردالىق مەكتەپتەر ءبىزدىڭ باستى سەرىكتەستەرىمىز بولدى جانە سولاي بولىپ قالا بەرەدى. وسى مۇمكىندىكتى پايدالانا وتىرىپ, سىزدەرگە كوپجىلدىق جەمىستى ىنتىماقتاستىق ءۇشىن العىسىمدى بىلدىرەمىن جانە جاڭا شىعارماشىلىق تابىستار تىلەيمىن, – دەدى ءا.راحىمجانوۆ.
– ەلباسى كىتاپحاناسىنىڭ مۋزەيى – تاريحقا تەرەڭ بويلايتىن ورىن. مەنىڭ ويىمشا, ءاربىر ازامات ءوز ەلىنىڭ تاريحىن بىلۋگە مىندەتتى. كوپتەگەن ادام جاستاردى قالاي تاربيەلەۋ كەرەكتىگىن ويلايدى. جاستارعا مورال وقۋدىڭ قاجەتى جوق, ولارعا قالاي دۇرىس ءومىر ءسۇرۋ كەرەكتىگىن كورسەتۋ قاجەت. وسىنداي ۇلى جولمەن ءجۇرۋ: قاراپايىم جۇمىسشىدان پرەزيدەنتتىككە دەيىن كوتەرىلىپ ەلباسى بولۋ – وسىنداي ءومىردىڭ, كۇرەستىڭ, جاسامپازدىقتىڭ جارقىن دالەلى. مۇنداعى ءاربىر فوتوسۋرەت پەن جادىگەر – بۇل ەلباسىنىڭ ءومىرى مەن كوپقىرلى قىزمەتىنىڭ تاريحى ارقىلى كورسەتىلگەن, جاڭا تاۋەلسىز مەملەكەتتى قۇرىپ قانا قويماي, ونى بۇكىل الەمگە تانىمال ەلگە اينالدىرعان قازاقستان تاريحى. ماعان بۇل جەر وتە ۇنادى, وقۋشىلارىمىزدى مىندەتتى تۇردە وسىندا اكەلەمىن. ەلباسى كىتاپحاناسىنا مەكتەپ كىتاپحانالارىنىڭ كىتاپ قورىن تولىقتىرۋ ماقساتىندا وسىنداي ماڭىزدى ءارى قاجەتتى باستاماسى ءۇشىن زور العىسىمدى بىلدىرگىم كەلەدى. ءبىز بارلىق وقۋشىلاردى جاڭا باسىلىمدارمەن تانىستىرۋعا كۇش سالامىز. تەك وقۋشىلاردى عانا ەمەس, ولاردىڭ اتا-انالارىن دا قۇندى قازىنالارمەن تانىستاراتىن بولامىز", – دەپ وي ءبولىستى ا.قۇرمانوۆ اتىنداعى №17 مەكتەپ-گيمنازياسىنىڭ ديرەكتورى, قالالىق ءماسليحاتتىڭ دەپۋتاتى ءرامزيا ومىرباەۆا.
