سىناق رەجيمىندە جۇمىس ىستەۋىنە رۇقسات ەتىلگەن تۋريزم نىساندارى - 2020 جىلدىڭ 19 قاراشاسى مەن 30 قاراشاسى ارالىعىندا "مەدەۋ" سپورتتىق-ساۋىقتىرۋ ورتالىعى جانە 2020 جىلدىڭ 16 قاراشاسى مەن 30 قاراشاسى ارالىعىندا شىمبۇلاق تاۋ-شاڭعى كۋرورتى. مەدەۋ مۇز ايدىنىنا جىبەرىلەتىن ادام سانى 500-دەن اسپاۋى ءتيىس. شىمبۇلاققا كەلۋشىلەر بۇرىنعى قابىلداناتىن تۋريستەر سانىنىڭ 30% -ىنان اسپاۋى كەرەك, - دەلىنگەن الماتى قالاسىنىڭ باس سانيتارلىق دارىگەرى جاناربەك بەكشيننىڭ قاۋلىسىندا.
سونداي-اق "شىمبۇلاق" تاۋ-شاڭعى كۋرورتى مەن "مەدەۋ" سپورتتىق-ساۋىقتىرۋ ورتالىعىنىڭ تاماقتانۋ وبەكتىلەرىنە رۇقسات, وندا دا اشىق اسپان استىندا 50 ورىننان اسپايتىن, ۇستەلدەر اراسىنداعى قاشىقتىق كەمىندە 2 مەتردى قامتۋى كەرەك. باستىسى ول ارادا ۇجىمدىق ءىس-شارالار وتكىزۋگە قاتاڭ تىيىم سالىنادى, دەلىنگەن قاۋلى تالاپتارىندا.
