قازاقستان • 10 قاراشا، 2020

10 قاراشادان باستاپ شەكارادان ءوتۋ ەرەجەلەرى وزگەرەدى

454 رەت كورسەتىلدى

ەلىمىزدىڭ باس مەملەكەتتىك سانيتار دارىگەرى ەرلان قياسوۆ مەملەكەتتىك شەكارا ارقىلى ءوتۋ پۋنكتتەرىندە شەكتەۋ شارالارىن ەنگىزەتىن قاۋلىعا قول قويدى، دەپ حابارلايدى Egemen.kz

قاۋلىنىڭ ءماتىنى دەنساۋلىق ساقتاۋ مينيسترلىگىنىڭ سانيتارلىق-ەپيدەميالىق باقىلاۋ كوميتەتىنىڭ رەسمي سايتىندا جاريالاندى.

قاۋلىعا سايكەس تەمىرجول، تەڭىز جانە وزەن كولىگىندەگى تاسىمالداۋ قىزمەتىمەن بايلانىستى ادامداردى قوسپاعاندا، بارلىق كەلگەن ادام قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن كەزدە ناتيجەسى بەرىلگەن كۇننەن باستاپ 3 تاۋلىكتەن اسپايتىن ۋاقىت وتكەن پتر ادىسىمەن COVID-19-عا تەستىنىڭ تەرىس ناتيجەسى بار انىقتامانى ۇسىنۋعا مىندەتتى.

قازاقستان رەسپۋبليكاسى اۋماعى ارقىلى ترانزيتپەن وتەتىن حالىقارالىق جۇك تاسىمالدارىن جۇزەگە اسىراتىن جۇرگىزۋشىلەر مىندەتتى تۇدە سايكەس تەرمومەتريادان جانە ساۋالنامادان وتەتىنى ايتىلادى.

"كەلگەن قازاقستان رەسپۋبليكاسىنىڭ ازاماتتارى انىقتاما بولماعان جاعدايدا پتر ادىسىمەن COVID-19-عا زەرتحانالىق زەرتتەپ-قاراۋ ءۇشىن 3 تاۋلىككە دەيىن كارانتيندىك ستاتسيونارعا وقشاۋلاۋعا جاتادى. COVID-19-عا زەرتحانالىق زەرتتەپ-قاراۋعا ماتەريال الۋدى مەديتسينالىق-سانيتاريالىق العاشقى كومەك مامانى جۇزەگە اسىرادى. COVID-19-عا زەرتحانالىق زەرتتەپ-قاراۋ ناتيجەلەرىن العاننان كەيىن تەرىس ناتيجەمەن كەلگەن ادامدارعا وسى قاۋلىعا 4-قوسىمشاعا سايكەس ءتيىستى قولحات الىنا وتىرىپ، COVID-19-دىڭ ىقتيمال سيمپتومدارى تۋرالى ءتۇسىندىرۋ جۇرگىزىلەدى. COVID-19-عا زەرتحانالىق زەرتتەپ-قاراۋدىڭ وڭ ناتيجەسىمەن كەلگەن ادامدار ينفەكتسيالىق ستاتسيونارعا جاتقىزىلادى"، دەلىنگەن قاۋلىدا.

ەسكە سالا كەتەيىك، قاۋلى 10 قاراشا ساعات 00:00-دە كۇشىنە ەنەدى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار