ماجىلىستە «نۇر وتان» پارتياسى فراكتسياسىنىڭ جيىنى ءوتىپ, پارلامەنتتەگى ەڭ ءىرى فراكتسيا قىزمەتىنىڭ اۋقىمدى ماسەلەلەرى تالقىلاندى, دەپ حابارلادى وسى پالاتانىڭ ءباسپاسوز قىزمەتى.
ماجىلىستە «نۇر وتان» پارتياسى فراكتسياسىنىڭ جيىنى ءوتىپ, پارلامەنتتەگى ەڭ ءىرى فراكتسيا قىزمەتىنىڭ اۋقىمدى ماسەلەلەرى تالقىلاندى, دەپ حابارلادى وسى پالاتانىڭ ءباسپاسوز قىزمەتى.
جيىن بارىسىندا پالاتا توراعاسى, فراكتسيا جەتەكشىسى نۇرلان نىعماتۋليننىڭ اتاپ وتكەنىندەي, 28 قاراشا مەن 7 جەلتوقسان ارالىعىندا ءماجىلىسمەندەر جۇمىسى ەلىمىز وڭىرلەرىندە ءوز جالعاسىن تابادى.
حالىق قالاۋلىلارى ەڭبەك ۇجىمدارىمەن كەزدەسىپ, الەۋمەتتىك نىسانداردى ارالايدى, ازاماتتاردى جەكە ماسەلەلەرى بويىنشا قابىلدايدى.
كەزدەسۋ بارىسىندا دەپۋتاتتار, سونداي-اق, زاڭ شىعارماشىلىق قىزمەتى تۋرالى, ەلباسىنىڭ «قازاقستان-2050» ستراتەگياسىن ورىنداۋ جولىندا ءماجىلىس ماقۇلداعان باستى زاڭ جوبالارى تۋرالى, سونىمەن قاتار, «نۇر وتان» پارتياسىنىڭ سايلاۋالدى تۇعىرناماسىنىڭ ورىندالۋى جايىندا اڭگىمە وربىتپەك.
ءماجىلىس دەپۋتاتتارى ايماقتىڭ وزەكتى ماسەلەلەرىن باقىلاۋعا الىپ, تۇرعىندار ساۋالدارىنا جاۋاپ بەرەدى جانە مەملەكەتتىك باعدارلامالاردىڭ جۇزەگە اسىرىلۋ بارىسىمەن تانىسادى.
ماجىلىسمەندەردىڭ كەزەكتى ساپارىندا تەك وبلىس, اۋدان ورتالىقتارى عانا ەمەس, شالعايداعى اۋىلدار مەن ەلدى مەكەندەر دە كەڭىنەن قامتىلماق.
