بۇل تۋراسىندا قاراعاندىعا ارنايى كەلگەن قازاقستانداعى فرانتسيا ەلشىلىگىنىڭ مادەنيەت جانە ىنتىماقتاستىق ماسەلەلەرى جونىندەگى كەڭەسشىسى الەكس بورتولان, ورتا ازيانىڭ فرانتسۋز اليانستارى جەلىسىنىڭ ۇيلەستىرۋشىسى ۆيۆەن فۋكەمەن بولعان كەزدەسۋلەر بارىسىندا ايتىلدى.
ايتا كەتۋ كەرەك, قاراعاندى مەديتسينا ۋنيۆەرسيتەتى مەن پۋاتە فرانتسۋز ۋنيۆەرسيتەتى بۇدان التى جىل بۇرىن ىنتىماقتاستىق قارىم-قاتىناس ورناتقان. وسى جىلدار ىشىندە ەكى وقۋ ورنىنىڭ وقىتۋشىلارى مەن ستۋدەنتتەرى اراسىندا تاجىريبە الماسۋ جاقسى جولعا قويىلعان. مىسالى, اكادەميالىق موبيلدىلىك باعدارلاماسى بويىنشا پۋاتە ۋنيۆەرسيتەتىندە قاراعاندىلىق 18 وقىتۋشى-ستۋدەنت تاعىلىمدامادان ءوتىپ كەلدى.
مەديتسينا ۋنيۆەرسيتەتىندە بولعان كەزدەسۋدە بايلانىستىڭ ىرگەسىن بەكىتە تۇسەتىن بىرنەشە باعدارلاما تالقىلاندى. مىسالى, كوت د'ازۋر ۋنيۆەرسيتەتىمەن گينەكولوگيا جانە ونكولوگيا سالاسى بويىنشا, فرانش-كونتە ۋنيۆەرسيتەتىمەن بيوينجەنەريا سالاسىندا ءوزارا ءىس-قيمىل جاساۋ نۇسقالارى تۋرالى اڭگىمە ءوربىدى. سونىمەن قاتار, «ەرازمۋس+» حالىقارالىق كرەديتتىك ۇتقىرلىق باعدارلاماسى مەن «اباي-ۆەرن» ستيپەنديالىق باعدارلاماسى بويىنشا ۇسىنىستار دا تالقىعا ءتۇستى.
ال اكادەميك ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە بولعان كەزدەسۋدە عىلىم جانە ءبىلىم سالاسىنداعى ىنتىماقتاستىقتىڭ اياسىن كەڭەيتۋ تۋرالى ماسەلە قارالدى. رەكتور نۇرلان دۋلاتبەكوۆ قاراعاندىدا بەلسەندى جۇمىس ىستەيتىن فرانتسۋز اليانستارى جەلىسىنە جان-جاقتى قولداۋ كورسەتەتىنىن ايتتى.
بۋكەتوۆ ۋنيۆەرسيتەتىندە فرانتسۋز دەلەگاتسياسى شەت تىلدەر فاكۋلتەتىنىڭ جۇمىسىمەن تانىستى. شەتەلدىك قوناقتار كەزدەسۋلەردىڭ جەمىستى بولعانىن اتاپ ءوتىپ, الداعى ۋاقىتتا ارىپتەستىك نەگىزدەگى قارىم-قاتىناستى نىعايتا تۇسۋگە مۇددەلى ەكەندىكتەرىن ءبىلدىردى.
قاراعاندى وبلىسى
