اقتاۋ قالاسىنىڭ كۋرورتتىق ايماعىنىڭ ينجەنەرلىك-كولىك ينفراقۇرىلىمىن دامىتۋ جونىندەگى جۇمىستار تۋرالى پرەمەر-ءمينيستردىڭ ورىنباسارى ر. سكليار, ماڭعىستاۋ وبلىسىنىڭ اكىمى س.ترۇموۆ, ەنەرگەتيكا ءمينيسترى ن. نوعاەۆ, يندۋستريا جانە ينفراقۇرىلىمدىق دامۋ ۆيتسە-ءمينيسترى ب. قاماليەۆ باياندادى.
اقتاۋ قالاسىنىڭ كۋرورتتىق ايماعىن دامىتۋدىڭ 2-ءشى كەزەڭى اياسىندا اۋەجايدان كەلەتىن اۆتوموبيل جولىن ءتورت جولاققا دەيىن كەڭەيتۋ, گاز قۇبىرىن, سونداي-اق سۋمەن جابدىقتاۋ, سۋ بۇرۋ جانە ەلەكترمەن جابدىقتاۋ جۇيەلەرىن سالۋ كوزدەلگەن. ۇكىمەت باسشىسى اقتاۋ قالاسىنىڭ كۋرورتتىق ايماعىنىڭ ينجەنەرلىك جانە كولىك ينفراقۇرىلىمىن جۇرگىزۋ جوبالارىنىڭ ۋاقىتىلى ىسكە اسىرىلۋىن قامتاماسىز ەتۋدى تاپسىردى.
ا. مامين وتاندىق جانە شەتەلدىك ينۆەستورلارمەن بىرلەسىپ Fairmont, Double Tree by Hilton, Movenpick Hotels and Resorts برەندتەرىمەن سالىناتىن وتەلدەردىڭ, گولف-كلۋب پەن تاقىرىپتىق ويىن-ساۋىق پاركى قۇرىلىسىن باستاۋ راسىمىنە قاتىستى.
