اتلاستا جاڭا, وزگەرەتىن جانە جويىلىپ بارا جاتقان كاسىپتەر انىقتالعان, سونىمەن قاتار ەڭبەك نارىعىن سىني تۇردە وزگەرتەتىن نەگىزگى تەحنولوگيالىق ترەندتەردىڭ تالدانعان.
اتلاستىڭ نەگىزگى بولىگىن ازىرلەۋ فورسايت-سەسسيالار شەڭبەرىندە 9 نەگىزگى سالا بويىنشا ءوتتى: مۇناي-گاز, اۋىل شارۋاشىلىعى, كولىك جانە لوگيستيكا, ماشينا جاساۋ, اقپاراتتىق-كوممۋنيكاتسيالىق تەحنولوگيالار, ەنەرگەتيكا, تۋريزم, تاۋ-كەن مەتاللۋرگيا كەشەنى جانە قۇرىلىس. سالالىق مينيسترلىكتەردىڭ قاتىسۋىمەن سالالىق قاۋىمداستىقتاردان 2000-نان استام ساراپشى تارتىلدى.
3 قاراشادا قر ەڭبەك جانە حالىقتى الەۋمەتتىك قورعاۋ مينيسترلىگىندە بەيىندى مينيسترلىكتەر وكىلدەرىنىڭ قاتىسۋىمەن اتلاس ناتيجەلەرى قارالىپ, قابىلداندى, ولار قازىرگى ۋاقىتتا ەەب-دا ءاربىر قىزىعۋشىلىق تانىتقان ازاماتقا قولجەتىمدى.
بۇگىنگى تاڭدا IOS جانە Android پلاتفورمالارىنا ارنالعان ءموبيلدى قوسىمشا ازىرلەنۋدە.
ەستەرىڭىزگە سالا كەتەيىك, «ەڭبەك نارىعىندا سۇرانىسقا يە جاڭا كاسىپتەر مەن قۇزىرەتتەردىڭ اتلاسى» ۇلتتىق جوباسى قر پرەزيدەنتىنىڭ «بارشاعا ورتاق يگىلىك! ساباقتاستىق. ادىلدىك. ورلەۋ» سايلاۋالدى باعدارلاماسى جانە «بىرگە» جالپىۇلتتىق اكتسياسى بارىسىندا الىنعان ۇسىنىستار شەڭبەرىندە ازىرلەنگەن. اتلاس جۇمىسپەن قامتۋ جانە ەڭبەك داعدىلارى سالاسىنداعى ناتيجەلەردى جاقسارتۋعا, تەحنيكالىق جانە كاسىپتىك ءبىلىم بەرۋ ۇيىمدارى مەن جوعارى وقۋ ورىندارىندا دايارلاۋ, وقىتۋ باعدارلامالارىنىڭ وزەكتىلىگىن ارتتىرۋعا باعىتتالعان. اتلاس ناتيجەلەرى جاڭا ءبىلىم بەرۋ پاندەرىن ەنگىزۋ كەزىندە وقۋ ورىندارى ءۇشىن نەگىزگى باعدارعا اينالادى.
