پاۆلودار وبلىستىق تەلەارناسىنىڭ دامۋ تاريحىنا كوز جۇگىرتە وتىرىپ, تەلەارناعا جەتەكشىلىك ەتكەن بەلگىلى مەديا مامان باۋىرجان ايتقازيننىڭ كەزىندەگى اۋقىمدى وزگەرىستەر مەن تەلەارنانىڭ شىعارماشىلىق جانە تەحنيكالىق جاعىنان ەڭ تابىستى دامۋ كەزەڭىن ەرەكشە اتاپ وتۋگە بولادى. باۋىرجان ايتقازين ەڭبەك جولىن تەلەجۇرگىزۋشىلىكتەن باستاپ, قازاقستان رەسپۋبليكاسى پرەزيدەنتى تەلەراديوكەشەنىنىڭ باس ديرەكتورىنا دەيىنگى ۇلكەن كاسىبي مەكتەپتەن وتكەن. قازاقستانعا تانىمال مەديا-مەنەدجەر پاۆلودار وبلىستىق تەلەارناسىن وڭىرلىك ارنالار اراسىندا جەتەكشى ورىنعا شىعارۋ, سونداي-اق بۇگىندە بۇكىل قازاقستان بويىنشا تابىستى جۇمىس ىستەيتىن جاس جۋرناليستەر توبىن تاربيەلەۋ ءۇشىن ءوزىنىڭ بارلىق ءبىلىمى مەن تاجىريبەسىن جۇمسادى.
ونىڭ باستاماسىمەن وبلىستىق ارنانىڭ جاڭالىقتارى مەن باعدارلامالار ءوندىرىسى زاماناۋي فورماتقا اۋىسىپ, تەلەارنا باسەكەگە قابىلەتتى شىعارماشىلىق ۇجىمعا اينالدى. جاڭالىقتار قىزمەتى كۇنىنە 6 رەت تىكەلەي ەفيرگە شىعىپ تۇردى. تەلەارناعا كوپتەگەن جاس ءارى بىلىكتى ماماندار كەلدى. اشىق جانە باسەكەلى كاستينگ ناتيجەسىندە مارينا ساحاروۆا, ەرحان تاتكەن, داريا جۇمابەكوۆا, الەكساندر سميرنوۆ, ۆەرونيكا ۆيشنەۆسكايا, ءمولدىر ءجۇمادىلوۆا, ءمولدىر قازىمبەت, ايزات قوجاباەۆا سياقتى ەكران جۇلدىزدارى كورەرمەندەردىڭ سۇيىكتى تەلەجۇرگىزىشىلەرىنە اينالدى.
تەلەارنادا بىلىكتىلىكتى ارتتىرۋ بويىنشا جۇيەلى جۇمىس جولعا قويىلدى. قىزمەتكەرلەر باسقا قالالارعا تاعىلىمداماعا جىبەرىلدى. سونداي-اق, مۇندا وتاندىق تەلەۆيزيا مەترلەرى بەيسەن قۇرانبەك, نۇرتورە ءجۇسىپ, نۇرتىلەۋ يمانعالي ۇلى جانە ت.ب پاۆلودارعا ارنايى كەلىپ, جاس ماماندارعا ءجيى سەمينارلار وتكىزىپ, تاجىريبەلەرىمەن الماسىپ تۇردى.
تاعى ءبىر شىعارماشىلىق كەزەڭدەگى جەتىستىكتەردىڭ ءبىرى – ەكى ءتىلدى جۇرگىزۋشىلەردىڭ ەفيرگە شىعۋى. رەسپۋبليكالىق ارنالاردا بۇل تانىس كورىنىس بولۋى مۇمكىن. بىراق وڭىرلىك دەڭگەيدە قازاقستاندا العاش رەت ەكى ءتىلدى جۇرگىزۋشىلەردىڭ جوباسى ءدال پاۆلوداردا جۇزەگە اسىرىلدى.
باۋىرجان ايتقازيننىڭ باستاماسىمەن ىسكە اسىرىلعان نەگىزگى يدەيالاردىڭ ءبىرى "ەرتىس" اتاۋىن تانىمال ەتۋ بولدى. ياعني, قازاقستانداعى ەڭ ءىرى وزەن «ەرتىس» پاۆلوداردى قيىپ وتەتىندىكتەن, وزەن اتاۋىمەن ءوڭىردىڭ تاريحى, جەرگىلىكتى ەكونوميكا مەن مادەنيەتتىڭ دامۋى ونىمەن تىعىز بايلانىستى. سوندىقتان باۋىرجان ايتقازين "ەرتىس" اتاۋىن برەندكە اينالدىرۋ باعىتىنداعى جۇمىستاردى بەلسەندى تۇردە قولعا الدى. وسىلايشا, كورەرمەن تالعامىنا ساي "ەRتIS ينفورم", "ەRتIS تاڭى" اتاۋىنداعى باعدارلامالار ۇزدىكسىز ەفيرگە شىعىپ تۇردى.
"ERTIS تاڭى" باعدارلاماسى از عانا ۋاقىتتىڭ ىشىندە ەرەكشە تانىمالدىلىققا يە بولىپ, پاۆلودار وبلىسىنان بولەك اتىراۋ, شىمكەنت, سەمەي, الماتى قالالارى جانە رەسەيدىڭ جاقىن وڭىرلەرىنىڭ تۇرعىندارى ستۋدياعا تەلەفون ارقىلى قوڭىراۋ شالىپ, العىس پەن قولداۋ ءبىلدىردى. وسىنداي قاراپايىم وڭىرلىك باعدارلامانىڭ قوناقتارى ءاسانالى ءاشىموۆ, روزا رىمباەۆا, مەرۋەرت تۇسىپباەۆا, ساۋلە راحمەدوۆا, يۋري گالتسەۆ سياقتى تانىمال تۇلعالار بولدى.
سونداي-اق "اقپارات سالاسىنىڭ ۇزدىگى" اتاعىنا يە بولعان ەرتىس وڭىرىنە بەلگىلى جۋرناليست گۇلجانات يمانعازينانىڭ اۆتورلىعىمەن تەلەارنا تاريحى, ارداگەرلەر مەن جۇمىس ىستەپ جۇرگەن قىزمەتكەرلەر تۋرالى العاش رەت كىتاپ-ەنتسيكلوپەديا جارىققا شىقتى. بۇل وتە اۋقىمدى جۇمىس بولدى. كىتاپتىڭ بەتتەرىن پاراقتاي وتىرىپ, ءار وقىرمان تەلەارنانىڭ تاريحىمەن, ونىڭ دامۋىنىڭ نەگىزگى كەزەڭدەرىمەن تانىسا الادى.
وسىلايشا كاسىبي مەديا مامان باۋىرجان ايتقازيننىڭ تىنىمسىز ەڭبەگىنىڭ ارقاسىندا تەلەارنا تۇرعىندار اراسىندا "ايماقتىڭ باستى تەلەارناسى" اتاندى. بۇل قۇرمەتتى اتاق تا, كورەرمەندەر الدىنداعى ۇلكەن جاۋاپكەرشىلىك تە, قاجىرلى ەڭبەكتىڭ ناتيجەسىندە قول جەتكىزگەن ۇستانىم.
2017 جىلدىڭ كۇزىندە تەلەارنا ۇجىمىنا ارمەنيا استاناسى ەرەۆاندا تەفي-ارىپتەستىك حالىقارالىق فەستيۆالىندە مەديا سالاسى قىزمەتكەرلەرىنىڭ بەدەلدى كاسىبي قوعامداستىعىنىڭ تەفي سىيلىعى ء(مۇسىنى) تابىستالدى.
سونداي-اق, باۋىرجان ايتقازيننىڭ تىكەلەي باستاماسىمەن 2017 جىلى تەلەارنا "ەRتIS" اتاۋىنا يە بولدى. بۇل باستاما پاۆلودار وبلىسى تۇرعىندارى تاراپىنان ۇلكەن قولداۋعا يە بولدى.
اتالعان جەتىستىكتەردىڭ ءبارى ۇلكەن جۇمىستىڭ ناتيجەسى ەكەنى ءسوزسىز.
